بین الاقوامی فوڈ فیسٹیول میں کامیاب ہونے والی تصاویر
چین میں ایک خوش و خرم گھرانے میں ہنسی خوشی کھانا پکانے کی تصویر نے فوڈ فوٹوگرافی کا ایک بین الاقوامی مقابلہ جیت لیا ہے۔
لی ہوائفنگ کو پنک لیڈی فوڈ فوٹوگرافی کے مقابلہ میں سال 2021 کی تصویر قرار دیا گیا ہے۔ اس تصویر کا عنوان تھا ’ذائقہ‘ جو لچنگ شانزی میں لی گئی تھی۔
فوٹوگرافی کے اس مقابلے کی بانی اور ڈائریکٹر کیرولین کینیوں کا کہنا ہے کہ یہ تصویر تیکنیک کے اعتبار سے بہت اعلی ہے جس طرح اس میں روشنی کی عکس بندی کی گئی ہے وہ کمال ہے۔
انہوں نے مزید کہا کہ جس خوبی کی وجہ سے یہ تصویر تاریخی اہمیت اختیار کر لیتی ہے وہ پورے ماحول کی اس خوبصورت انداز میں منظر کشی ہے جس سے نہ صرف ایک پوری کہانی بیان ہو رہی ہے بلکہ اس کی جذباتی کیفیت بھی پوری طرح واضح ہو رہی ہے۔
یہ تصاویر بتاتی ہے کہ کس طرح ایک پرآشوب سال میں لوگوں نے گھروں کے اندر اپنی فیملی کے چند افراد کے ساتھ زندگی گزاری ۔
یہ ایک ایسی غیر معمولی اور منفرد تصویر ہے جو ثابت کرتی ہے کہ کسی ڈرامائی اور ہلا دینے والے منظر کی تصاویر کے علاوہ بھی عام زندگی کی تصاویر یادگار اور پر اثر ہو سکتی ہیں۔
یہ منظر اپ کے ذہن پر اپنا اثر چھوڑ دیتا ہے۔
یہ بین الاقوامی مقابلہ دس سال سے منعقد ہو رہا ہے۔ اس مقابلے کے جج حضرات نے ستر ملکوں سے موصول ہونے والی ساڑھے دس ہزار تصاویر دیکھیں اور پھر کامیاب قرار دی جانے والی تصاویر کا اعلان براہ راست آن لائن سٹریمنگ کے ذریعے کیا۔
ذیل میں اس مقابلے میں منتخب ہونے والی دیگر تصاویر دی گئی ہیں اور ان کے ساتھ بنانے والے ان کی وضاحت بھی شامل ہے۔
کاشت کرنے کے بعد بھنڈیوں کو خشک کیا جا رہا ہے۔ ترکی سے موصول ہونے والی ایف دیلک اویار کی تصویر۔
شادی کے کھانوں کے فوٹوگرافر شیمپین ٹیٹنگر: فرانس سے جان آرمسٹورنگ میلر کی تصویر۔
فوڈ سٹائلسٹ ایوارڈ کے لیے جرمنی سے مارٹن گرونیوالڈ کی تصویر
جدت کا فیوج فلم کا ایوارڈ: چاولوں سے نوڈلز کی تیاری، بنگلہ دیش سے عبدالمومن کی تصویر
پنک لیڈی سیب روزآنہ: کیک میں سیب، یہ تصویر نتالیہ بوگوچز نے پولینڈ سے بھیجی
سٹریٹ فوڈ : ویٹ وان تران کی ویتنام سے بھیجی گئی تصویر
مارک اور سپینسر کا فوڈ پورٹریچر : ہیریم ہرکورٹ کی تصویر جو آسٹریلیا سے موصول ہوئی
رائل فوٹوگرافک سوسائٹی کے تعاون سے دیا جانا والا سٹوڈنٹ فوڈ فوٹوگرافر کا سالانہ ایوارڈ: برطانیہ سے سارا بلانڈفورڈ کی تصویر جس کا عنوان تھا چوقندروں کی خاموش دنیا
اٹلی سے ڈیبورا ٹروچائے کی تصویر
کھانے کی فروخت: مالٹا سے جوزف پی سمتھ کی تصویر
ورلڈ فوڈ پروگرام کے زندگی کے لیے خوراک: بنگلہ دیش سے محبوب حسین کی تصویر جس کا عنوان سے کچرے کے ڈھیرے سے پینا
تمام تصاویر پنک لیڈی فوڈ فوٹوگرافی سنہ 2021 سے لی گئی ہیں
- غزوہ بدر: دنیا کی فیصلہ کن جنگوں میں شمار ہونے والا معرکہ اسلام کے لیے اتنا اہم کیوں تھا؟ - 29/03/2024
- میٹا کو فیس بک، انسٹاگرام پر لفظ ’شہید‘ کے استعمال پر پابندی ختم کرنے کی تجویز کیوں دی گئی؟ - 28/03/2024
- ’اس شخص سے دور رہو، وہ خطرناک ہے‘ ریپ کا مجرم جس نے سزا سے بچنے کے لیے اپنی موت کا ڈرامہ بھی رچایا - 28/03/2024
Facebook Comments - Accept Cookies to Enable FB Comments (See Footer).