پاکستان میں کرونا سے ریکارڈ یومیہ اموات، 22 زیادہ متاثرہ شہروں میں لاک ڈاؤن کی تجویز
دوسری جانب پاکستان میں کرونا وائرس کی صورتِ حال پر نظر رکھنے والے وفاقی ادارے نیشنل کمانڈ اینڈ آپریشن سینٹر (این سی او سی) نے ملک کے ان 22 شہروں میں مکمل لاک ڈاؤن کی تجویز دی ہے جہاں کرونا وائرس کے مثبت کیسوں کی شرح ملک کے دیگر شہروں کے مقابلے میں زیادہ ہے۔
وفاقی وزیر برائے اطلاعات و نشریات فواد چوہدری نے کہا ہے کہ بھارت میں کرونا کی بگڑتی صورتِ حال کے پیشِ نظر پڑوسی ملک کے ساتھ آمد و رفت پر مکمل پابندی عائد ہے جس پر مکمل عمل درآمد ہو رہا ہے۔
بھارت میں کرونا کی بگڑتی صورتحال کے پیش نظر بھارت سے آمدو رفت پر مکمل پابندی عائد ہے یہ پابندی اپریل کے تیسے ہفتے سے لاگو ہے اور اس مکمل عمدرآمد ہو رہا ہے، اگر کرونا کی صورتحال میں بہتری نہ آئ تو پاکستان کے اندر مزید سخت اقدامات کرنے پڑیں گے اس کیلئے تیاری کی جا رہی ہے
— Ch Fawad Hussain (@fawadchaudhry) April 28, 2021
پاکستان میں کرونا وائرس کے پھیلاؤ کو روکنے کے لیے سخت اقدامات کا عندیہ ایک ایسے وقت سامنے آیا ہے جب گزشتہ 24 گھنٹوں کے دوران ملک میں کرونا کے پانچ ہزار 292 کیسز رپورٹ ہوئے ہیں۔
پاکستان میں کرونا کے مثبت کیسز کی شرح 10 فی صد سے زائد ہے جب کہ کئی شہروں میں مثبت کیسز کی شرح 20 فی صد سے بھی تجاوز کر گئی ہے۔
حکام کا کہنا ہے کہ ملک کے کئی شہروں میں مثبت کیسز کی شرح 20 فی صد سے بھی زیادہ ہے۔
پاکستان کے وفاقی وزیر برائے منصوبہ بندی اسد عمر نے ایک ٹوئٹ میں کہا ہے کہ اب تک پاکستان میں 21 لاکھ افراد کو کرونا سے بچاؤ کی ویکسین لگائی جا چکی ہے۔
اسد عمر کے بقول پہلی مرتبہ منگل کو ملک بھر میں ایک لاکھ 17 ہزار سے زیادہ افراد کو ویکسین لگائی گئی ہیں۔
Daily vaccinations crossed 1 lakh in a day for the first time yesterday. Total vaccinations yesterday were 117,852. Total vaccinations so far now 2.1 million. Good to see more people registering. Please encourage all those 40 and above to register, if they have not done so far.
— Asad Umar (@Asad_Umar) April 28, 2021
فیصل سلطان نے 50 سال سے زائد عمر کے افراد کو مشورہ دیا ہے کہ وہ ویکسین لگوانے کے لیے شناختی کارڈ اور فون ضرور لے کر جائیں۔
ڈاکٹر فیصل سلطان کے مطابق جنوری سے اب تک پاکستان کو ویکسین کی 52 لاکھ ساٹھ ہزار خوراکیں مل چکی ہے۔ ان کے بقول مئی اور جون میں کرونا وائرس سے بچاؤ کی مزید ایک کروڑ 30 لاکھ خوراکیں پاکستان پہنچ جائیں گی۔
Snapshot – vaccine arrivals (doses)
Jan 500,000
Feb 700,000
Mar 1,060,000
Apr 3,000,000
May 6,700,000 [expctd]
Jun 6,300,000 [expctd]Of ~18.7 mln doses [rec'd & expected] until Jun, ~78% are via purchase by govt
2 mln doses administered so far; >117,000 doses in 1day (27 Apr)
— Faisal Sultan (@fslsltn) April 28, 2021
‘ملک میں آکسیجن کی کھپت 90 فی صد تک پہنچ گئی ہے ‘
منگل کو پاکستان کی وفاقی کابینہ نے بھارت میں کرونا وائرس کی تشویش ناک صورتِ حال کو دیکھتے ہوئے ملک میں کرونا سے بچاؤ کے لیے میسر طبی اور دیگر وسائل کا جائزہ لیا ہے۔
اجلاس کے بعد فواد چوہدری نے پریس کانفرنس کے دوران بتایا ہے کہ اس وقت پاکستان میں روزانہ 729 میٹرک ٹن آکسیجن پیدا کی جارہی ہے اور اس کی زیادہ تر مقدار طبی شعبے کو فراہم کی جارہی ہے۔
فواد چوہدری کے بقول ملک میں میسر آکسیجن کی کھپت کی سطح 90 فی صد تک پہنچ گئی ہے اس لیے حکومت ایران اور چین سے مزید آکسیجن درآمد کرنے کے معاملے پر غور کر رہی ہے۔
Facebook Comments - Accept Cookies to Enable FB Comments (See Footer).