ایران میں سوئٹزرلینڈ کی ایک اعلیٰ سفارتکار ’عمارت سے گر کر ہلاک‘
ایرانی ذرائع ابلاغ کا کہنا ہے کہ تہران میں سوئس سفارتخانے کے عملے میں شامل ایک سینئر رکن اس عمارت سے گر کر ہلاک ہوگئی ہیں جہاں وہ رہائش پذیر تھی۔
ایمرجنسی سروسز کے ایک ترجمان نے مہر نیوز ایجنسی کو بتایا کہ 51 برس کی خاتون سفارتخانے میں فرسٹ سکریٹری کے عہدے پر فائز تھیں۔ تاہم ترجمان نے ان کا نام نہیں بتایا۔
ترجمان کا کہنا تھا کہ پولیس نے کامرانیہ کے علاقے میں طبی عملے کو طلب کیا مگر وہ طبی امداد ملنے سے پہلے ہلاک ہو چکی تھیں۔
سوئس وزارت خارجہ نے تہران میں اپنے ایک عملے کی رکن کے حادثاتی طور پر ہلاک ہونے کی تصدیق کی ہے۔
وزارت خارجہ کے ترجمان کے مطابق اعلیٰ سوئس حکام نے اس واقعہ پر گہرے دکھ اور لواحقین سے ہمدردی کا اظہار کیا ہے۔
وزارت خارجہ کا کہنا ہے کہ وہ ان کے خاندان اور ایرانی حکام سے رابطے میں ہے۔
ترجمان نے ڈیٹا پروٹیکشن اور پرائویسی کی بنیاد پر مزید معلومات فراہم کرنے سے انکار کیا ہے۔
سنہ 1979 میں اسلامی انقلاب کے نتیجے میں تہران اور واشنگٹن کے درمیان تعلقات ختم ہو جانے کے بعد سے سوئٹزرلینڈ ہی ایران میں امریکی سفارتی معاملات کی نگرانی کرتا ہے۔
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).