ریکھا ایک بیوی اور ماں بن کر زندگی گزارنا چاہتی تھیں: اداکارہ بننے کا خواب نہیں تھا
ریکھا (Rekha) جیسی شہرت اور کامیابی حاصل کرنا کسی اداکارہ کا خواب ہوتا ہے، لیکن ریکھا خود ایسی زندگی نہیں چاہتی تھیں۔
کہتے ہیں کہ ’ہر کسی کو مکمل جہاں نہیں ملتا۔ کسی کو زمین تو کسی کو آسماں نہیں ملتا‘۔ یہ بات عظیم اداکارہ ریکھا (Rekha) پر بالکل فٹ بیٹھتی ہے۔ بچپن سے ہی فلم انڈسٹری کا حصہ بننے والی ریکھا کبھی اداکارہ نہیں بننا چاہتی تھیں۔ آج کی لیجنڈ اداکارہ ریکھا کو دیکھ کر یہ بات سننے میں شاید عجیب لگے، لیکن یہ سچ انہوں نے خود اپنے ایک انٹرویو میں بتایا تھا۔ ان کا خواب شادی کر کے بہت سارے بچوں کی پرورش کرنے کی تھی۔
ریکھا نے اپنے ایک انٹرویو میں بتایا تھا کہ وہ اداکارہ نہیں بلکہ ایک ایسی خاتون کی طرح زندگی گزارنا چاہتی تھیں، جس کے پاس پیار کرنے والا شوہر ہو۔ وہ پوری زندگی ایک ایسے انسان کے ساتھ رہنا چاہتی تھیں کہ جو ان کی پرواہ کرے۔ اتنا ہی نہیں بہت سے بچے بھی چاہتی تھیں۔
ریکھا نے اپنے ایک انٹرویو میں بتایا تھا کہ وہ اداکارہ نہیں بلکہ ایک ایسی خاتون کی طرح زندگی گزارنا چاہتی تھیں، جس کے پاس پیار کرنے والا شوہر ہو۔
ریکھا نے بتایا تھا کہ جب وہ اسکول میں پڑھتی تھیں تو ان کے دوستوں کو بھی کبھی نہیں لگا تھا کہ وہ ایک اداکارہ بن جائیں گی۔ 1970 میں ریلیز ہوئی فلم ’ساون بھادوں‘ میں ریکھا نے کام کیا۔ ان کی یہ فلم ہٹ ہوئی تو انہیں خاص توجہ ملنے لگ گئی۔ گزشتہ دنوں کو یاد کرتے ہوئے ریکھا نے بتایا تھا کہ ان کے دوستوں کو جلن ہونے لگی تھی۔
ریکھا آج بھی اپنی خوبصورتی اور اداوں سے لوگوں کو موہ لیتی ہیں۔ ریکھا اکثر ریئلٹی شوز میں دیکھی جا رہی ہیں، جس شو میں جاتی ہیں، لوگ ان کی انرجی اور خوبصورتی دیکھ کر تعجب کرتے ہیں۔ ریکھا عمر کو مات دیتے ہوئے نظر آتی ہیں۔
Facebook Comments - Accept Cookies to Enable FB Comments (See Footer).