میٹ گالا 2021: سیاہ ’برقع‘، سرخ پینٹ کوٹ اور رنگین چادر۔۔۔ نیویارک میں فیشن کی تقریب میں فنکاروں کے انوکھے لباس

بیلی ایلش
Getty Images
تقریب کی میزبان بیلی ایلش کا لباس معروف امریکی اداکارہ مارلن منرو سے متاثر تھا
فیشن کی سب سے بڑی تقاریب میں سے ایک یعنی نیو یارک کے میٹ گالا میں دنیا کے معروف ترین فنکار نظر آئے، مگر اس تقریب کو دیکھنے والے کے نزدیک بظاہر فنکاروں سے زیادہ اُن کے اچھوتے اور منفرد انداز کے ملبوسات زیر بحث آئے۔

اس تقریب کا مقصد ’میٹرو پولیٹن میوزیم آف آرٹس کاسٹوم انسٹیٹیوٹ‘ کے لیے امداد جمع کرنا تھا۔ گذشتہ سال یہ تقریب کووڈ 19 کی عالمی وبا کی وجہ سے ملتوی کر دی گئی تھی۔

یہاں مدعو کیے گئے مہمانوں کے لیے کووڈ 19 کے حفاظتی قواعد و ضوابط کی پابندی لازم تھی جس میں سب کے لیے عمارتوں کے اندر بھی ماسک پہننا ضروری تھا۔ مگر ان تمام تر کووڈ پابندیوں کے باوجود فنکاروں نے اپنے فیشن پر کوئی سمجھوتہ نہیں کیا۔

فینیس او کونل

Getty Images
بیلی ایلش کے بھائی فینیس او کونل کا سُرخ پینٹ کوٹ اور ماسک

رواں سال اس تقریب کا عنوان ’امریکہ میں فیشن کے مختلف انداز‘ تھا اور اس میں فنکاروں کا فیشن مختلف چیزوں جیسے مشہور فلم میٹرکس اور سٹیچو آف لیبرٹی (مجسمہ آزادی) سے متاثر تھا۔

اداکار ٹیموتھی شالامٹ

Getty Images
اداکار ٹیموتھی شالامٹ کے اس سٹائل کو ’فارمل سویٹ پینٹس‘ کا نام دیا گیا
نایومی اوساکا

Getty Images
ٹینس سٹار نایومی اوساکا جاپان کے راویتی لباس میں نظر آئیں

اس تقریب کی میزبانی پاپ سٹار بیلی ایلش، ٹینس کی کھلاڑی نایومی اوساکا، اداکار ٹیموتھی شالامٹ اور شاعرہ امینڈا گورمین نے کی تھی۔

شاعرہ امینڈا گومین

Getty Images
23 سالہ شاعرہ امینڈا گومین کا لباس سٹیچو آف لیبرٹی سے متاثر تھا
گلوکار ڈیبی ہیرس

Getty Images
گلوکارہ ڈیبی ہیرس نے ڈینم جیکٹ کے ساتھ سرخ و سفید سکرٹ پہن رکھی تھی

سوشل میڈیا پر کِم کارڈیشیئن کے لباس پر کافی زیادہ بات ہو رہی ہیں۔ اس لباس کو کسی نے برقع کہا تو کسی نے سیاہ باڈی سوٹ۔ بعض لوگوں کا خیال ہے کہ اس کے ذریعے وہ امریکی مسلمانوں سے یکجہتی کا اظہار کر رہی تھیں۔

انھوں نے اپنے پورے جسم کو سیاہ لباس میں ڈھانپ رکھا تھا اور ان کا مکمل چہرہ اسی رنگ کے کپڑے میں لِپٹا ہوا تھا۔ یہ کاسٹوم ڈیمنا گواسالیہ نے ڈیزائن کیا تھا جو ایک فیشن ہاؤس سے منسلک ہیں۔

یہ بھی پڑھیے

وہ ڈائٹ پلان جس کے ذریعے بھارتی سنگھ نے اپنا وزن کم کیا

زیورات کے اشتہار میں کام کرنے والی خواجہ سرا ماڈل کی انڈیا میں دھوم

اداکار لہری کا سٹینو گرافر سے ’وی آئی پی‘ کامیڈین بننے تک کا سفر

ابتدا میں اسود کا کردار ادا کرنے سے منع کر دیا تھا: عثمان مختار کا انٹرویو

میٹ گالا

Getty Images
ریپر لل نیس ایکس شہنشاہوں والے چوغے میں آئے تھے
لل نیس ایکس

Getty Images
اور پھر اچانک اسے اتار کر وہ آئرن مین جیسے آرمر میں کھڑے ہو گئے
لل نیس ایکس

Getty Images
اور پھر اسے بھی اتار کر وہ باڈی سوٹ میں جلوہ گر ہوئے

23 بار گرینڈ سلیم کی فاتح کھلاڑی سیرینا ولیمز نے اپنے رنگ برنگے لباس سے پیغام بھیجا۔ پنکھوں سے بنے ان کے لباس نے بھی پذیرائی حاصل کی۔

کم کاڈیشین

Getty Images
کم کاڈیشیئن کے اس منفرد انداز پر انٹرنیٹ پر مزاحیہ میمز کی بارش ہونے لگی
کم کاڈیشیئن

Getty Images
کم کاڈیشیئن اپنے شوہر کانیا ویسٹ کے ساتھ اس تقریب پر آئی تھیں

میٹ گالا میں سب سے آخر میں آنے والوں میں امریکی گلوکار ریحانہ شامل تھیں۔ گذشتہ برسوں میں اس تقریب میں ان کا لباس کو کافی پسند کیا جا چکا ہے۔

سیرینا ولیمز

Getty Images
سیرینا ولیمز کے پنکھوں والے اوورکوٹ کو کافی پسند کیا گیا
گیم آف تھونز

Getty Images
گیم آف تھرونز کی اداکارہ میزی ولیمز کا لباس فلم میٹرکس سے متاثرہ تھا۔ یہ کپڑے انھوں نے خود اپنے لیے ڈیزائن کیے تھے

اس بار انھوں نے ایک سیاہ کوٹ پہن رکھا تھا۔ ان کے ساتھ ان کے بوائے فرینڈ ایسیپ راکی تھے جن کی رنگین چادر کی چمک نے لوگوں کی توجہ حاصل کی۔

کانگریس کی رکن الیگزینڈریا کورٹیز

Getty Images
کانگریس کی رکن الیگزینڈریا کورٹیز کے لباس پر ’امیروں سے ٹیکس لو‘ لکھا تھا
ریحانہ، شوہر

Getty Images
ریحانہ کا مکمل سیاہ لباس اور ان کے بوائے فرینڈ کی رنگین چادر
گریمز اپنے ساتھ ایک تلوار بھی لائی تھیں

Getty Images
گریمز اس تقریب میں اپنے ساتھ ایک تلوار بھی لائی تھیں

تمام تصاویر کے جملہ حقوق محفوظ ہیں۔

Comments - User is solely responsible for his/her words