ہلری کلنٹن کی معاون ہما عابدین کا امریکی سینٹر پر دست درازی کا الزام
امریکہ کی سابق وزیر خارجہ ہلری کلنٹن کی سیاسی معاون ہما عابدین نے اپنی یاداشتوں میں انکشاف کیا ہے کہ ایک امریکی سینٹر نےان پر جنسی حملہ کیا تھا۔
گارڈین اخبار کے مطابق ہما عابدین نے کہا کہ سن 2000 کے وسط میں ایک سیاستدان انھیں گھر میں بلا کر ’ان پر جھپٹ پڑے تھے`۔
ان کا کہنا ہے کہ جب انھوں نے ان کے ساتھ بوس و کنار کرنا چاہا تو انھوں نے اسے دھتکار دیا۔
یہ تمام دعوے ہما عابدین کی نئی کتاب ’بوتھ / اینڈ: اے لائف ان مینی ورلڈز‘ (Both/And: A Life in Many Worlds) میں شائع ہو رہی ہیں جو اگلے ہفتے مارکیٹ میں آ رہی ہے۔
ہما عابدین ہلری کلنٹن کی بہت بااعتماد مشیر تھیں جنھیں انھوں نے ایک بار اپنی دوسری بیٹی کہا تھا۔
پینتالیس سالہ ہما عابدین نے مذکورہ سینٹر کی شناخت کو مخفی رکھا ہے۔
ہما عابدین لکھتی ہیں کہ واشنٹگن میں ایک ڈنر کے بعد وہ ایک سیاستدان کے ساتھ باہر نکلیں اور جب وہ اس سیاستدان کے گھر کے سامنے پہنچے تو اس نےانھیں گھر میں کافی پینے کی دعوت دی جسے انھوں نے قبول کر لیا۔
گارڈین اخبار جس کے پاس ہما عابدین کی یاداشتوں ک ایڈونس کاپی موجود ہے، کے مطابق ہما عابدین لکھتی ہیں کہ’ پھر اچانک سب کچھ بدل گیا۔ وہ میری دائیں جانب بیٹھ گیا، اپنا بایاں بازو میرے کندھوں کے گرد رکھ کر مجھے چومنا شروع کر دیا، اپنی زبان میری منہ میں ڈال دی اور مجھے پیچھے صوفے پر دھکیل دیا۔‘
’میں ششدر رہ گئی، میں نے اسے پیچھے دھکیل دیا۔ میں صرف یہ چاہتی تھی کہ پچھلے دس سیکنڈ ختم ہو جائیں۔‘
ہما عابدین کہتی ہیں کہ سینٹر نے معافی مانگی اور کہا کہ آپ کو رکنے کے لیے کہنے سے پہلے مجھے آپ کو سمجھنے میں غلطی ہوئی۔
وہ کہتی ہیں کہ میں نے جواب دیا۔ ’آئی ایم سوری، اور پھر وہاں سے نکل آئی اور یہ ظاہر کرنے کی کوشش کی کہ جیسے کچھ ہوا ہی نہیں۔‘
ہما عابدین لکھتی ہیں کہ چند روز بعد کیپٹل ہل پر ان کی اچانک اس سینیٹر سے مڈبھیڑ ہو گئی اور انھوں نے کہا ’کیا ہم اب بھی دوست ہیں۔‘
وہ اپنی کتاب اپنے سابقہ شوہر اور نیویارک سے ڈیموکریٹ پارٹی کے رکنِ کانگریس اینتھونی وائنر پر غصہ اتارا ہے جس کا سیکس سکینڈل کی وجہ سے سیاسی کیریئر تباہ ہو چکا ہے۔
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
Facebook Comments - Accept Cookies to Enable FB Comments (See Footer).