پرویز الہیٰ وزیراعلیٰ پنجاب ہوں گے – سپریم کورٹ کا فیصلہ
اسلام آباد: سپریم کورٹ نے ڈپٹی اسپیکر پنجاب اسمبلی دوست مزاری کی رولنگ اور حمزہ شہباز کے حلف کو کالعدم قرار دیتے ہوئے چوہدری پرویز الہیٰ کو رات ساڑھے گیارہ بجے تک وزیراعلیٰ کا حلف اٹھانے کا حکم جاری کر دیا۔
چیف جسٹس پاکستان عمر عطا بندیال کی سربراہی میں سپریم کورٹ کے تین رکنی بینچ نے ڈپٹی اسپیکر پنجاب اسمبلی رولنگ کیس کی سماعت کی۔
عدالتی فیصلہ
چیف جسٹس آف پاکستان نے فیصلہ تاخیر کا شکار ہونے پر سب سے پہلے معذرت کرتے ہوئے فیصلہ سنانا شروع کیا، جس میں پرویز الہیٰ کی درخواست کو منظور کرنے، ڈپٹی اسپیکر پنجاب اسمبلی کی رولنگ کو کالعدم قرار دیتے ہوئے ق لیگ کے مسترد شدہ ووٹوں کو درست قرار دیا۔
سپریم کورٹ نے اپنے فیصلے میں کہا کہ ڈپٹی اسپیکر نے عدالت کے فیصلے کو درست طور پر نہیں لیا جس کے باعث ووٹوں کو غلط مسترد کیا گیا۔
سپریم کورٹ کے تین رکنی بینچ نے حمزہ شہباز کی بطور وزیراعلیٰ حلف برداری اور کابینہ کی تشکیل نو کو بھی کالعدم قرار دیتے ہوئے پرویز الہیٰ کو رات گیارہ بجے حلف اٹھانے کا حکم دیا اور ہدایت کی کہ اگر گورنر پنجاب دستیاب نہ ہوں تو صدر مملکت ڈاکٹر عارف علوی پرویز الہیٰ سے حلف لیں۔
بشکریہ ایکسپریس نیوز۔
- اداروں میں تصادم کی صف بندی - 25/04/2023
- آرمی چیف کی تعیناتی پر ہم پیچھے ہٹ گئے ہیں، عمران خان - 16/11/2022
- ڈیم فنڈ: ثاقب نثار کی طلبی، عمران خان کے قریبی افسر اعظم خان کے وارنٹ گرفتاری جاری - 23/08/2022
Facebook Comments - Accept Cookies to Enable FB Comments (See Footer).