مولانا طارق جمیل کینیڈا میں ہارٹ اٹیک کے باعث اسپتال منتقل
ٹورنٹو: معروف مبلغ اور عالم دین مولانا طارق جمیل کو دل کے دورے کے باعث اسپتال میں کینیڈا کے اسپتال داخل کرایا گیا ہے۔
مولانا طارق جمیل کے صاحبزادے یوسف جمیل نے سماجی رابطے کی سائٹ ٹویٹر پر مولانا طارق جمیل کے حوالے سے آگاہ کرتے ہوئے بتایا کہ ’والد اس وقت کینیڈا میں ہیں جہاں انہیں ہارٹ اٹیک کے باعث اسپتال منتقل کیا گیا ہے‘ ۔
یوسف جمیل نے آگاہ کیا کہ ’مولانا طارق جمیل کی طبیعت پہلے سے بہتر ہے‘ ۔ انہوں نے قوم سے مولانا طارق جمیل کی صحت یابی کے لیے دعاؤں کی درخواست بھی کی ہے۔
بابا جان اس وقت کینیڈا میں ہیں اور ان کو دل کا دورہ پڑنے پر ہسپتال منتقل کیا گیا ہے. اللہ کے فضل سے اب ان کی حالت بہت بہتر ہے. آپ سب احباب سے دعاؤں کی درخواست ہے. اللہ رب العزت والد محترم کو صحت کاملہ عطا فرمائے.
— Yousaf Jamil (@YousafjamilMTJ) December 27, 2022
مولانا یوسف جمیل نے اس حوالے سے ایک ویڈیو پیغام بھی جاری کیا جس میں انہوں نے کہا کہ پاکستانی وقت کے مطابق منگل کو دوپہر ایک بجے والد کو سینے میں درد محسوس ہوا، جس کے بعد انہیں فوری اسپتال منتقل کیا گیا۔
مولانا طارق جمیل کی حالت بہتر ہے۔ بیٹے کا ویڈیو پیغام #MTJ https://t.co/qiFvF08qX0 pic.twitter.com/BZvU9bzFau
— Arif Mehmood (@ArifMehmoodPAK) December 27, 2022
انہوں نے کہا کہ ان کی طبیعت پہلے سے بہتر ہے اور وہ روبہ صحت ہیں تاہم ان کا گھر سے دور ہونا ہمارے لیے تھوڑی پریشانی کا باعث ہے۔ مولانا یوسف جمیل نے کہا کہ سوشل میڈیا پر افواہیں روکنے کے لیے میں آپ کی خدمت میں حاضر ہوا ہوں اور ملتمس ہوں کہ ان کی صحت، خیر و عافیت اور وطن واپس کی دعا کریں۔
دوسری جانب معروف صحافی اور میزبان وسیم بادامی نے سماجی رابطے کی سائٹ پر اپنے پیغام میں دعویٰ کیا کہ مولانا طارق جمیل کے دل کی شریان بند ہے تاہم ڈاکٹرز نے ان کی حالت کو خطرے سے باہر قرار دیا ہے تاہم وہ ٹورنٹو اسپتال میں زیر علاج ہیں جہاں ڈاکٹرز نے انہیں انتہائی نگہداشت وارڈ میں رکھا ہے۔
واضح رہے کہ مولانا طارق جمیل چند روز قبل کانفرنس میں شرکت اور خطاب کے لیے کینیڈا پہنچے ہیں۔ بشکریہ ایکسپریس نیوز
Molana Tariq Jamil sahab had a heart attack this morning, his artery was blocked.
Alhamdolillah procedure has been completed with success and molana is much better and in observation in CCU at the hospital in Toronto
Request of prayers please🙏— Waseem Badami (@WaseemBadami) December 27, 2022
Facebook Comments - Accept Cookies to Enable FB Comments (See Footer).