کم جونگ ’چھوٹے اور موٹے‘ ہیں لیکن دوستی کرنا چاہتا ہوں: ٹرمپ
امریکہ کے صدر ڈونلڈ ٹرمپ نے شمالی کوریا کے رہنما کم جونگ کی جانب سے انھیں ’بوڑھا‘ کہنے کہ جواب میں کم جونگ اُن کو ’پست قد اور موٹا‘ قرار دیتے ہوئے ان سے دوستی کی خواہش بھی ظاہر کی ہے۔
واشنگٹن اور پیانگ یانگ کے مابین الفاظ کی جنگ کافی عرصے سے جاری ہے۔
صدر ٹرمپ جو ان دنوں اشیا کے دورے پر ویتنام میں ہیں، نے کہا کہ انھوں نے کِم جونگ اُن دوستی کرنے کی بہت کوشش کی اور شاید یہ کسی روز ہو بھی جائے لیکن ایسا کب ہو گا اس بارے میں کچھ نہیں کہا جا سکتا۔
ویتنام جانے سے قبل صدر ٹرمپ نے شمالی کوریا کے رہنما کم جونگ اُن کے خلاف ٹویٹر پر لفظی جنگ کی۔
دوسری جانب شمالی کوریا نے صدر ٹرمپ کے اشیا کے دورے پر تنقید کی تھی اور وزارتِ خارجہ نے امریکی صدر کو ایک مرتبہ پھر ‘جنگجو’ اور ‘بدمزاج’ قرار دیتے ہوئے اپنا جوہری پروگرام کو جاری رکھنے پر زور دیا تھا۔
اسی بارے میں مزید پڑھیں
ڈونلڈ ٹرمپ کی شمالی کوریا کو تنبیہ،’ہمیں مت آزمائیں’
’راکٹ مین‘ خودکش مشن پر ہے: ڈونلڈ ٹرمپ
شمالی کوریا کی تنبیہ: ‘پابندیاں ہمیں روک نہیں سکتیں’
خبر رساں ادارے روئٹرز کے مطابق ویت نام کے دارالحکومت ہنوئی میں پریس کانفرنس میں ڈونلڈ ٹرمپ نے کہا کہ ‘یہ کتنا ہی اچھا ہو گا اگر وہ اور کم جونگ ان دوست بن جاتے ہیں۔’
جہاں ایک طرف صدر ٹرمپ نے کم سے دوستی کرنے کی خواہش ظاہر کی وہیں ٹویٹر پر اپنی ناراضی کا اظہار بھی کیا۔
صدر ڈونلڈ ٹرمپ نے ٹویٹ کی ’کم جونگ اُن مجھے بوڑھا کہہ کر کیوں با بار بے عزت کر رپے ہیں۔ میں نے انھیں کبھی پست قد اور موٹا نہیں کہا۔ میں نے اُن کا دوست بننے کی بہت کوشش کی ہے، ہو سکتا ہے کسی دن یہ ہو بھی جائے۔‘
اسی بارے میں مزید پڑھیں
ڈونلڈ ٹرمپ: امریکہ مزید مسلسل ‘جانبدارانہ تجارت’ برداشت نہیں کرے گا
شمالی کوریا امریکہ کو ’شدید درد پہنچائے گا‘
ٹرمپ کا طویل ایشیائی دورہ اور اس سے جڑی مشکلات
واضح رہے کہ ڈونلڈ ٹرمپ ماضی میں کِم جونگ اُن کو ‘پاگل آدمی’ اور ‘راکٹ مین’ قرار دے چکے ہیں۔
ویتنام میں صحافیوں سے بات کرتے ہوئے صدر ٹرمپ نے کہا کہ وہ خطے میں تنازعات کو حل کروانے کے لیے ثالث کا کردار ادا کرنے پر تیار ہیں۔
انھوں نے کہا کہ ’میں بہت اچھا ثالت ہوں۔‘
شمالی کوریا کے رہنما سے دوستی کے بارے میں صحافیوں سے بات کرتے ہوئے ٹرمپ نے کہا کہ ‘اگر ایسا ہوا تو یہ شمالی کوریا کے لیے بہت اچھا ہو گا تاہم اس سے دوسرے ممالک اور دنیا کب بھی فائدہ ہو گا۔‘
واضح رہے کہ پیانگ یانگ اور واشنگٹن کے درمیان شمالی کوریا کے متنازع جوہری ہتھیاروں کی تیاری کے حوالے سے الفاظ کی جنگ میں شدت دیکھنے میں آئی ہے جن کے باعث علاقائی کشیدگی میں اضافہ ہوا ہے۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).