توہین مذہب کے الزام میں مردان یونیورسٹی کا طالبعلم قتل، ہنگامے، یونیورسٹی بند

مردان کی عبدالولی خان یونیورسٹی گارڈن کیمپس میں طلباء کے دو گروپوں میں تصادم ہوا ہے، تشدد سے ایک طالب علم جاں بحق ہوگیا۔ تشدد سےجاں بحق ہونےوالے طالب علم کی شناخت مشعال کے نام سے ہوئی ہے،جو عبدالولی خان یونیورسٹی میں شعبہ ابلاغ عامہ کا طالب علم تھا۔ بتایا گیا ہے کہ طالب علم مشعال خان کو ساتھی طالب علم نے سوشل میڈیا پر توہین آمیز مواد رکھنے کے الزام میں قتل کیا۔

اس واقعے کے بعد مردان کی عبدالولی خان یونیورسٹی میں ہنگامہ آرائی شروع ہو گئی۔ فائرنگ اور توڑ پھوڑ کے نتیجے میں 5 طالب علم زخمی بھی ہوئے ہیں، جنہیں طبی امداد کے لیے مقامی اسپتال منتقل کیا گیا ہے۔

یونیورسٹی انتظامیہ کے مطابق طلباء گروپوں میں ہنگامہ آرائی کے بعد یونیورسٹی کیمپس کو غیرمعینہ مدت تک کے لیے بند کر دیا گیا ہے۔