صائمہ حسین کو اس ایک تصویر کے بعد سینکڑوں فون اور میسیجز کیوں آئے؟
بھارتی فلم انڈسٹری کے سپر سٹار شاہ رخ خان کے دنیا بھر میں لاکھوں مداح ہیں۔ وہ جہاں جاتے ہیں لوگ ان کی ایک جھلک دیکھنے کیلئے دیوانے ہو جاتے ہیں۔ گزشتہ دنوں شاہ رخ خان نے بھارتی شہر پونے کا دورہ کیا تو ہزاروں لوگ اپنے پسندیدہ اداکار کو دیکھنے کیلئے جمع ہو گئے۔
اس موقع پر شاہ رخ خان نے اپنے مداحوں کے ساتھ کچھ سیلفیاں بھی بنائیں۔ ان میں سے ہی ایک سیلفی کو سوشل میڈیا پر بہت پسندیدگی کی نظر سے دیکھا جا رہا ہے، اور اس کی وجہ کنگ خان نہیں بلکہ مداحوں کے ہجوم میں نظر آنے والی ایک خوبرو لڑکی ہے۔ اس تصویر کے پوسٹ ہوتے ہی سوشل میڈیا صارفین دیوانے ہو گئے اور ہر کوئی اس لڑکی کے بارے میں پوچھنے لگا۔ سوشل میڈیا صارفین کا کہنا تھا کہ ہزاروں کے ہجوم میں کھڑی یہ لڑکی ماڈل لگتی ہے۔
اس تصویر کے سوشل میڈیا پر وائرل ہونے کے بعد انڈین میڈیا نے اس لڑکی کو ڈھونڈنے کا مشکل فیصلہ کیا جس میں وہ آخر کار کامیاب ہو گئے۔ انڈین میڈیا کے مطابق اس لڑکی کا نام صائمہ حسین ہے اور شعبہ فیشن ڈیزائننگ میں تھرڈ ایئر کی طالبہ ہے۔ 21 سالہ صائمہ حسین کا تعلق مقبوضہ جموں کشمیر کے شہر سرینگر سے ہے اور اپنی تعلیم کی غرض سے پونے میں قیام پذیر ہے۔
صائمہ حسین کا انڈین میڈیا سے گفتگو کرتے ہوئے کہنا تھا کہ سوشل میڈیا پر شہرت کے بارے میں اسے اپنے ایک دوست سے پتہ چلا۔ اس نے جب مجھ سے بات کی تو مجھے لگا کہ شاید وہ مذاق کر رہی ہے تاہم کچھ دیر بعد ہی مجھے سینکڑوں کالیں اور میسجز ملنا شروع ہو گئے۔ صائمہ حسین نے بتایا کہ سوشل میڈیا پر شہرت اسے ایک خواب لگ رہی ہے۔
Facebook Comments - Accept Cookies to Enable FB Comments (See Footer).