مہوش حیات کی دلکشی میں کس شخص کا ہاتھ ہے: اداکارہ کا انکشاف
اداکارہ مہوش حیات نے اسکرین پر اپنے دلکش نظر آنے کا راز بتا دیا۔ مہوش حیات نے انسٹا گرام پر اپنی اور میک اپ آرٹسٹ وقار حسین کی تصویر شیئر کی جس میں دونوں ایک دوسرے کے ساتھ خوش گوار موڈ میں نظر آ رہے ہیں۔
مہوش حیات نے وقار کو سالگرہ کی مبارک باد دی اور ساتھ ہی انہوں نے اپنے حسن کا راز بتاتے ہوئے کہا کہ فلم ایکٹر ان لاء، لوڈ ویڈنگ اور بے تحاشا ٹی وی کمرشل میں خوبصورت ترین نظر آنے کا راز وقار ہے۔ مہوش حیات نے وقار کی تعریف کرتے ہوئے کہا کہ آپ کی مسکراہٹ اندھیرے دن کو روشن کرتی ہے۔ آپ انتہائی مثبت سوچ کے مالک ہیں جنہوں نے مجھے بھی نہ صرف مثبت سوچ کی جانب راغب کیا بلکہ خود اعتمادی بھی دلائی۔
اداکارہ نے یہ بھی کہا کہ بہت سے لوگوں کو نہیں معلوم کہ دس سال قبل آپ میرے پہلے میک اپ آرٹسٹ تھے۔ ہم نے زندگی کے بہت سے حیران انگیز لمحات ساتھ گزارے ہیں۔ آج میں جو کچھ بھی ہوں اس کا عروج آپ نے خود دیکھا ہے۔ اور میں آپ کی بہت مشکور ہوں۔
واضح رہے کہ معروف میک اپ آرٹسٹ وقار حسین مشہور ڈرامہ سیریل ’ قدوسی صاحب کی بیوہ‘ میں بھی اداکاری کے جوہر دکھا چکے ہیں۔ جس میں انہوں نے ودود احمد کا کردار ادا کیا تھا۔
Facebook Comments - Accept Cookies to Enable FB Comments (See Footer).