شمع کے پروانے بھگائیں ۔۔۔ دیسی ٹوٹکے

مچھلی دھونے کے بعد ہاتھوں کو بیسن یاپیاز کے پانی سے دھولیجئے ۔ مچھلی کی بوفوراََ دور ہوجائے گی ورنہ دیر تک ہاتھوں سے بوآتی رہے گی ۔رنگ کادھبہ صاف کرنے کیلئے روئی کے ٹکڑے کو ایسے میتھائیلیٹڈ سپرٹ میں بھگوئیں جس میں ذرا سا ایمونیا بھی ملا ہو ،بھیگے ہوئے روئی کے ٹکڑے کودھبے کے اُوپر رکھ دیں۔ تین چار مرتبہ دبائیں اور رگڑیں ، پختہ رنگ کا دھبہ بھی ہوگا تو دور ہو جائے گا۔

لکڑی پر سے دھوئیں یاکالک کے داغ دور کرنے کیلئے نوشادر کا تیل لکڑی پر ملیں ۔ داغ دور ہوجائیں گے ۔

اگر کسی دیگچی میں داغ آگیا ہو تو اس دیگچی میں انڈے اُبالنے سے داغ جاتا رہے گا ۔

ریشمی کپڑے سے سالن کا داغ دور کرنے کے لئے ٹالکم پاؤڈر جھڑک لیں ۔ تھوڑی دیر بعد صابن سے اچھی طرح دھولیں ۔

کپڑے دھونے کا صابن لیکر کسی برتن میں ڈال کر ساتھ ہی میلے کپڑے ڈال کر دونوں چیزیں گرم کر لیجئے اور پھر اسے ٹھنڈا کر کے اس سے کپڑے دھولیجئے ۔ کپڑے بہت صاف ہوجائیں گے ۔

موسم برسات میں اکثر یاٹیوب کی روشنی کے چاروں طرف پروانے اکٹھے ہوجاتے ہیں ۔ جس کی وجہ سے کمرے میں بیٹھنا محال ہوجاتا ہے ۔ ایسی صورتحال میں ایک پیاز کاٹ کر اس کے ٹکڑے کسی دھاگے کی مدد سے بلب کے پاس لٹکادیں ۔ اس طرح سارے کیڑے بھاگ جائیں گے ۔

• About
• Latest Posts

گوشہ ادب

Latest posts by گوشہ ادب (see all)

• کب میرا نشیمن اہل چمن گلشن میں گوارا کرتے ہیں - 18/04/2019
• ڈپٹی نذیر احمد دہلوی کے بعض دلچسپ واقعات - 16/02/2019
• کینہ جو ترے دل میں بھرا ہے سو کدھر جائے - 17/01/2019