خواتین کے عالمی دن کے حوالے سے پورے پاکستان میں ہی نہیں پوری دنیا میں عورت کے مقام و مرتبہ اور اس کے حقوق کی آزادانہ آواز جس انداز، اسلوب اور طرز سے اٹھائی گئی ہے وہ آزادی ٔ نسواں کی قید تنہائی سے بھی زیادہ افسوس ناک ہے۔ اس میں کوئی شک نہیں ہے کہ عورت کا جومقام دین اسلام میں موجود ہے اگر وہی عملی صورت میں ہو تو عورت کو سڑکوں پر آنے کی ضرورت نہیں۔ میں اس حق میں نہیں ہوں جس طرح ہماری عورت نے اپنی آزادی کا اسلوب اپنایا ہے۔

پوری پاکستانی قوم مظلوم کشمیریوں کے ساتھ ہے اور اُن کے دل کی دھڑکنوں کے ساتھ پاکستانیوں کے دل کی دھڑکنیں چل رہی ہیں۔ یہ معاملہ بڑا حساس اور انسانیت کی تذلیل کرنے والوں کو عالمی ضمیر کی عدالت میں سزا اور مظلوم کشمیریوں کو جزا دینے کا وقت آگیا ہے۔ اس وقت دنیا بھر کے حریت پسندوں کو کشمیر کا ساتھ دینا چاہیے۔ پاکستان کے وزیر اعظم عمران خان کو عالمی حوالے سے جو شہرت اور نیک نامی حاصل ہے اس کے تقاضے امسال بڑی شدت سے دنیا بھر میں محسوس کیے گئے ہیں اور ایسے لگ رہا ہے کہ موجودہ وزیراعظم کی قیادت میں کشمیر کا مسئلہ حل ہونے کے قریب پہنچ چکا ہے اور یہ جنگ اس وقت تک جاری رہے گی جب تک مقبوضہ کشمیر کو پاکستان کا حصہ قرار نہیں دیا جاسکتا اور اس وقت بھارت میں بھی یہ آواز بڑی شدت اختیار کر گئی ہے کہ بھارت اپنی عسکری قوت کا استعمال مظلوم کشمیریوں پر روا نہ رکھے اور انسانیت کی پامالی کے لئے اس حد تک نہ جائے کہ بھارت کا مکروہ چہرہ دنیا میں نفرت کا نشان بن جائے۔