بلوچستان کی سیاسی تاریخ پر اگر اجمالاً نظر دوڑائی جائے تو ابتدا ہی سے اسے یہاں اصل نمائندوں کی بجائے مصنوعی قیادت سے چلایا گیا ہے۔ جس کے نتیجے میں کرپشن اور بری حکمرانی رواج پا گئی ہے۔ حکمرانوں اور عوام میں بد اعتمادی کی ایک وسیع خلیج پیدا ہوئی ہے۔ نیز قیادت کا بھی ایک بحران سا پیدا ہوتا محسوس ہورہا ہے۔ امر واقع یہ ہے کہ اکثر سیاسی لوگوں پر سے عام افراد کا یقین اٹھ گیا ہے۔

رخشان ریجن کے علاقے نوشکی، چاغی، خاران اور واشک میں، خاص طور پر موخر الذکر تین اضلاع میں سیاسی طور پر یہ یقین پختہ ہو چلا تھا، کہ وہاں جو سیاسی اشخاص بر سر اقتدار ہیں، انھیں ہرانا جوئے شیر لانے کے مترادف ہے۔ کیوں کہ وہ کئی دہائیوں سے مسلسل کامیاب ہوتے چلے آ رہے تھے اور انھوں نے وہاں کے تمام اداروں، اور حالات پر اپنی گرفت مضبوط کر رکھی تھی۔ باالفاظ دیگر انھوں نے اپنی ناقابل شکست