گلگت بلتستان کے تشخص کا مسئلہ 1970 سے مختلف شکلوں میں اٹھتا رہا ہے۔ لیکن ان تحریکوں میں عوام کی عدم دلچسپی کی وجہ سے کوئی پذیرائی نہیں مل سکی۔ ملک کے دیگر حصوں میں تعلیم حاصل کرنے والے طلباء بھی مسئلہ کشمیر کے تناظر میں مسئلہ گلگت بلتستان کے حل کے لئے آواز اٹھاتے رہے ہیں۔ قومی حقوق کے لئے لوگوں میں شعور و آگاہی اجاگر کرنے کے لئے مختلف قومی جماعتیں وجود میں آئی جسمیں قراقرام نیشنل موومنٹ و بالاورستان نیشنل فرنٹ جیسی جماعتیں شامل ہیں جو علاقائی تشخص کے لئے جدوجہد کرتی رہی ہیں مگر ان کوعوامی پذیرائی حاصل نہیں ہو پائی۔ قوم پرست جماعتوں کو عوام میں پذئرائی تو حاصل نہیں ہوئی لیکن تنازعہ گلگت بلتستان کو یو۔ این۔ آئی۔ سی۔ پی کی قراردادوں کے تحت داخلی خودمختاری کے ان کے مطالبے کو عوام میں میں مقبولیت حاصل ہوگئی۔