پروکسی: سو لفظوں کی کہانی جو چھپ نہیں سکی


“اکیسویں صدی پروکسیز کا زمانہ ہے۔”

ڈوڈو نے بتایا۔

“پروکسیز کیا ہوتی ہیں؟”

میں نے جاننا چاہا۔

“ماسٹر ہوتا ہے مالک،

پروکسی ہوتا ہے غلام۔

ماسٹر پردے میں رہتا ہے

اور اپنے پروکسی کو ہدایت دے کر کام کرواتا ہے۔”

ڈوڈو نے آگاہ کیا۔

“اس کی کوئی مثال؟”

میں نے پوچھا۔

“ہیکرز پروکسی کمپیوٹر کے ذریعے اپنی شناخت چھپاتے ہیں۔

ریاستیں بھی پروکسیز کے ذریعے جنگ لڑتی ہیں۔”

ڈوڈو نے انکشاف کیا۔

“کیا مستقبل میں پروکسیز کے ذریعے حکومت بھی کی جا سکے گی؟”

میں نے سوال کیا۔

ڈوڈو نے ہنس کر کہا،

“اکیسویں صدی پروکسی حکومتوں کا زمانہ ہے۔”

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

مبشر علی زیدی

مبشر علی زیدی جدید اردو نثر میں مختصر نویسی کے امام ہیں ۔ کتاب دوستی اور دوست نوازی کے لئے جانے جاتے ہیں۔ تحریر میں سلاست اور لہجے میں شائستگی۔۔۔ مبشر علی زیدی نے نعرے کے عہد میں صحافت کی آبرو بڑھانے کا بیڑا اٹھایا ہے۔

mubashar-zaidi has 144 posts and counting.See all posts by mubashar-zaidi