علامہ صاحب قالین پر نیم دراز تھے۔ مجھے دیکھ کر انھوں نے اٹھنے کی کوشش کی۔ میں نے جلدی سے آگے بڑھا ہوا ہاتھ تھام کر درخواست کی کہ مت اٹھیں۔ میں وہیں ان کے قریب بیٹھ گیا۔
”کیا رات کو مجلس پڑھتے ہی شکاگو چلے جائیں گے؟ “ میں نے پوچھا۔
”نہیں، صبح کی پرواز ہے۔ “ علامہ صاحب نے بتایا۔

انچولی میں سب سے پہلے ہمارا قیام جس مکان میں رہا، اس کے قریب ترین پرچون کی دکان خالو اظہار کی تھی۔ ان کا نام مجھے بہت عرصے بعد معلوم ہوا۔ اس وقت وہ صرف خالو تھے۔ ان کی دکان کے باہر ایک تھڑا تھا جو پتا نہیں پہلے سے تھا یا انھوں نے بنوایا۔ اس پر خالو کے دوست آکر بیٹھ جاتے۔ ہمارے بابا بھی اکثر وہیں پائے جاتے۔ بابا کی اظہار خالو سے دوستی کی وجہ سے ان کی تینوں بیٹے بھائیوں کی طرح میرا خیال کرنے لگے۔ میں اگلی تحریر میں ارشاد بھائی، کاشف بھائی اور گڈو کا ذکر کروں گا۔

گزشتہ اتوار کو آٹھویں محرم تھی۔ میں نیویارک گیا تھا جہاں عشرہ محرم کا مرکزی جلوس برآمد ہوا تھا۔ یہ ہر سال عاشور سے پہلے والے اتوار کو مین ہٹن کی پارک ایونیو پر نکلتا ہے۔ چار گھنٹے جاتے ہوئے کی ڈرائیو اور چار گھنٹے کی واپسی۔ جلوس میں بھی فون پر پیغامات نہیں دیکھ سکا۔ گھر آکر دیکھا کہ کسی نے قائم بھائی کے لیے دعا کی درخواست کی تھی۔ میرا ماتھا ٹھنکا۔ پاکستان میں صبح کے چار بجے تھے۔ کسی کو فون نہیں کرسکتا تھا۔ الجھن میں گرفتار رہا کہ بیوی کو بتاؤں یا نہ بتاؤں۔

ایسا ہی میسج کربلا میں موجود میرے کزن تہور بھائی کو بھی پہنچا۔ اس میں مرحوم کی بلندی درجات کی بات کی گئی تھی۔ وہ ان کی بیوی نے دیکھ لیا۔ تہور بھائی، قائم بھائی اور میں، ہم تینوں ہم زلف ہیں۔ کربلا میں رونا پیٹنا مچ گیا۔ پورا قافلہ تہور بھائی کے گرد جمع ہوگیا۔ بہن کی ہچکیاں بند گئیں۔ انھوں نے فوراً پاکستان واپسی کا مطالبہ کیا۔ قافلے کے منتظم پریشان ہوگئے۔ لاکھوں لوگ کربلا آرہے تھے۔ جانے کا انتظام کرنا ممکن نہ تھا۔

بارگاہ شہدائے کربلا کراچی کے بڑے امام باڑوں میں سے ایک ہے۔ یہ انچولی کی مسجد خیر العمل کے احاطے میں قائم ہے۔ مجھے یاد ہے کہ 1985 میں جب ہم کراچی آئے تو یہ موجود نہیں تھا۔ مسجد کا ہال چھوٹا تھا۔ روضہ امام حسین کی شبیہہ بہت بعد میں بنی۔ آج وہ شبیہہ…