فیشن کے ذریعے سکیولر ازم کا پیغام
اس سلسلے میں لاہور میں ایک فیشن شو کیس منعقد کیا گیا جس کا مقصد فیشن کے ذریعے امن و برداشت کا درس دینا ہے۔’کلر می سکیولر‘ کے عنوان سے ہونے والے اس شو کیس میں جنوبی ایشا کے مذاہب کے مخصوص رنگوں اور علامتوں کو ملبوسات اور جیولری کے ذریعے نمایاں کیا گیا۔
فیشن شو کیس میں شریک ڈیزائنر محسن سعید کا کہنا تھا کہ پاکستان میں عدم برداشت بڑھتی جا رہی ہے اور ایک فکر کے لوگ اپنی سوچ کو سن پر مسلط کرنا چاہتے ہیں۔
محسن کا کہنا ہے کہ فیشن ایک علامت ہے اور ہم فیشن کے ذریعے ہی یہ بتانا چاہتے ہیں کہ اس علاقے میں دوسری مذہب صدیوں سے مقیم ہیں اور تمام مذاہب کے افراد کو ایک دوسرے کا احترام کرنا چاہیے۔
’ہمارے ہاں سکیولر ازم کو لادینیت سے جوڑ دیا گیا ہے۔ سیکولر ازم کا مطلب یہ نہیں۔‘
انھوں نے کہا کہ ’فیشن بھی ایک طرح کا اظہار ہے معاشرتی، ثقافتی، مذہبی اور سیاسی اظہار ہے۔ ہم نے اسلام، عیسائیت، بدھ مت، ہندو مت، سکھ مذہب، پارسی کے رنگوں اور علامتوں کو فیشن شو میں نمایاں کیا۔‘
صائمہ کا کہنا ہے کہ اسی تھیم کو مدنظر رکھتے انھوں نے منفرد جیولری بنائی۔
صائمہ کا کہنا ہے کہ پوری دنیا میں پاکستان کے ٹرک آرٹ کو پہچانا جاتا ہے۔ ’ٹرک آرٹ میں تین طرح کا ہنر ہوتا ہے، رنگوں سے نقش و نگار بنانا، چمک پٹی اور ٹھوکی۔‘
Facebook Comments - Accept Cookies to Enable FB Comments (See Footer).