لاہور کے ایک شہری کے بال خراب تیل سے جلا دینے پر حجام کو دس لاکھ روپے جرمانہ

لاہور کے شہری کو بھی اپنے بال بہت پیارے تھے جس نے انہیں مزید خوبصورت بنانے کیلئے خصوصی تیل لگوانے کا فیصلہ کیا مگر اس کے نتائج کچھ ایسے نکلے کہ شہری ’غضبناک‘ ہو گیا۔ نجی ٹی وی اے آر وائی نیوز کے مطابق حجام نے شہری کے سر پر تیل لگایا تو بالوں کا صفایا ہی ہو گیا۔

شہری نے بڑے پیار سے اپنے ہاتھ بالوں میں پھیرے تو بال اس کے ہاتھ میں آ گئے جنہیں دیکھ کر اس کے پیروں تلے زمین نکل گئی اور وہ حجام کیخلاف عدالت چلا گیا۔ عدالت نے شہری کی استدعا سنی اور اس کے بال دیکھے تو ایسا حکم جاری کر دیا کہ حجام کے اوسان خطاءہو گئے اورآئندہ وہ کسی کو بھی ’تیل‘ نہیں لگائے گا۔

رپورٹ کے مطابق عدالت نے گاہک کے بال جلانے پر حجام کو 10 لاکھ روپے ہرجانہ ادا کرنے کا حکم دیدیا ہے۔