عمران خان کے حلف اٹھانے والے دنوں میں تحریک لبیک کے امیر مولانا خادم رضوی الیکشن دھاندلی کے خلاف احتجاجی مارچ کا اعلان کرتے ہیں

 تحریک لبیک پاکستان نے (ٹی ایل پی) نے 12 اگست کو انتخابات میں دھاندلی کیخلاف احتجاجی مارچ کرنے کا اعلان کر دیا ہے۔ تحریک لبیک کے ترجمان شاہ اویس نورانی نے کہا کہ تحریک لبیک کے سربراہ میرخادم حسین رضوی 12 اگست کو احتجاجی مارچ کی قیادت کریں گے۔ انہوں نے کہا کہ تحریک لبیک کی جانب سے بھرپور عوامی قوت کا مظاہرہ کیا جائے گا اور انتخابات میں ہونے والی دھاندلی کیخلاف احتجاج ریکارڈ کرائیں گے۔ واضح رہے کہ ان ہی تاریخوں میں عمران خان وزارت عظمی کا حلف اٹھانے کا ارادہ بھی ظاہر کر چکے ہیں۔