لوگ میرے بارے میں کیا سوچتے ہیں، مجھے کوئی فرق نہیں پڑتا: سنی لیون
بالی ووڈ اداکارہ سنی لیون نے خود پر تنقید کرنے والوں کو جواب دیتے ہوئے کہا ہے کہ انہیں کوئی فرق نہیں پڑتا کہ لوگ ان کے بارے میں کیا سوچتے ہیں۔ میڈیا رپورٹس کے مطابق سنی لیون نے ایک انٹرویو کے دوران اپنی ویب سیریز’’کرن جیت کور‘‘ کے دوسرے سیزن پر بات کرتے ہوئے اپنی نجی زندگی کے کئی اہم رازوں سے پردہ اٹھایا۔ انہوں نے کہا کہ مجھے نہیں معلوم اپنی زندگی پر ویب سیریز بنانے کا میرا فیصلہ صحیح ہے یا نہیں؟ لیکن میں ایک بات جانتی ہوں کہ یہ سب شوٹ کرنا میرے لیے انتہائی مشکل تھا۔
سنی لیون نے مزید کہا لوگ میرے بارے میں کیا سوچتے ہیں؟ اس سے مجھے کوئی فرق نہیں پڑتا، مجھے صرف اس بات سے فرق پڑتا ہے کہ میرے گھروالے اور والدین میرے متعلق کیا سوچتے ہیں۔ ماضی میں ایک صحافی نے ان سے کافی تندو تیز سوالات کیے تھے کہ بہت سی شادی شدہ خواتین سنی لیون کو اپنے شوہروں کے لیے خطرہ سمجھتی ہیں اور کون ہو گا جو سنی لیون جیسا بننا چاہے گا۔ بحیثیت خاتون اس سوال کے جواب میں انہیں اٹھ جانا چاہئیے تھا لیکن وہ وہیں بیٹھی رہیں۔ سنی لیون نے کہا اگر میں اٹھ کر چلی جاتی تو سب سوچتے کہ اس شخص نے میرے بارے میں جو بھی کہا ہے وہ سچ ہے اور میں نہیں چاہتی کہ کوئی بھی مجھ جیسا بنے۔
Facebook Comments - Accept Cookies to Enable FB Comments (See Footer).