2004 کے بعد پہلی دفعہ واسا نے بھی پانی کی قیمت بڑھا دی؛ اب لاہور میں پانی کی سپلائی پہلے سے آدھی ہو گی

کراچی میں پانی کی کمیابی اور لوگوں کی اس حوالے سے کسمپرسی کی خبریں سنتے تھے لیکن اب پہلی مرتبہ لاہور میں بھی شہریوں کو اس خوفناک صورتحال کا سامنا کرنا پڑ گیا ہے۔ جیونیوز کے مطابق لاہور کی پانی کی ضروریات کا زیادہ تر انحصار زیرزمین پانی پر ہے جس کا لیول خطرناک حد تک کم ہو چکا ہے اور بعض علاقوں میں شہریوں کو پانی کی شدید قلت کا سامنا کرنا پڑ رہا ہے۔ڈبلیو ڈبلیو ایف پاکستان نے اپنی رپورٹ میں بتایا ہے کہ لاہور کے زیرزمین پانی کی سطح اڑھائی سے 3فٹ سالانہ کی شرح سے نیچے جا رہی ہے۔

ڈبلیو ڈبلیو ایف پاکستان کے مطابق شہر کے وسط میں پانی 130فٹ گہرائی میں چلا گیا ہے اور خدشہ ہے کہ 2025ءتک یہ 230فٹ نیچے چلا جائے گا جس سے لاہور میں پانی کا تباہ کن بحران پیدا ہو جائے گا۔ اگر پانی کی سطح اسی رفتار سے کم ہوتی رہی تو 2040ءتک لاہور میں زیرزمین پانی کی ایک بوند بھی نہیں ہو گی۔ رپورٹ کے مطابق واسا نے اس صورتحال سے نمٹنے کے لیے اقدامات شروع کر دیئے ہیں۔