بیٹے کے ہاتھوں کنگال ہونے والا بزنس مین وجے پت سنگھانیا دربدر
وجے پت سنگھانیا کا شمار بھارت کے امیر ترین افراد میں ہوتا تھا مگر اولاد کی محبت میں بیٹے کو اپنی 12 ہزار کروڑ روپے کی تمام جائیدادتھما دی جس نے اپنے ہی باپ کو کوڑی کوڑی کا محتاج کر دیا۔
بھارت کے تیسرے بڑے بزنس برانڈ ’ریمنڈ‘ کے مالک وجے پت سنگھانیا ایک زمانے میں لندن سے خود جہاز اڑا کر بھارت پہنچ گئے تھے، اس وقت یہ اجازت دنیا میں صرف چند لوگوں کو حاصل تھی۔
وجے پت سنگھانیا نے بیٹے کو تحفہ دے کر جو غلطی کی تھی اس کوسدھارنے کی کوششوں میں ممبئی کی سڑکوں پر سر گرداں پھرتے نظر آتے ہیں۔
80 سالہ وجے سنگھانیا نے بیٹے کے خلاف قانونی جنگ کا اعلان کیا ہے، ان کا کہنا ہے کہ قانون کی اس شق کے تحت یہ کیس اپنے بیٹے کے مقابلے پر لڑوں گا جس میں والدین بچوں کو تحائف میں دی گئی جائیداد واپس لینے کے مجاذ ہوتے ہیں۔
ان کا کہنا تھا کہ ’میں نے اپنے بیٹے گوتم سنگھانیاسے دو سال سے کوئی بات نہیں کی ہے۔ ریمنڈ بزنس اس کے حوالے کرنا میری زندگی کی سب سے بڑی بیوقوفی تھی۔ اس ن ے مجھے پائی پائی کا محتاج کر دیا۔ ‘
انہوں نے والدین کو پیغام دیتے ہوئے کہا کہ اپنی زندگی میں اپنی پوری جائیداد بچوں کے نام کرنے کی غلطی کبھی نہ کریں۔
دوسری جانب گوتم سنگھانیا کا کہنا ہے کہ ’میں نے کوئی غلطی نہیں کی، ریمنڈ بزنس میرے ہاتھ میں آنے کے بعد بہت ترقی کر گیا، میں نے اس پر بہت محنت کی ہے۔ جب یہ بزنس میرے والد کے ہاتھوں میں تھا تو ایسا کامیاب نہیں تھا جیسا اب ہے۔ ‘
بشکریہ جیو نیوز۔
Facebook Comments - Accept Cookies to Enable FB Comments (See Footer).