صدر نے اٹھارہویں ترمیم کی خلاف ورزی کی ہے: رضا ربانی
پاکستان پیپلز پارٹی کے رہنما اور سینیٹر رضا ربانی نے صدر کی جانب سے الیکشن کمیشن کے دو ممبران کی تقرری کو آئین کی خلاف ورزی قرار دیا ہے۔
ایک بیان میں رضا ربانی کا کہنا ہے کہ افسوسناک امر یہ ہے کہ پارلیمنٹ اور آئین پر حملہ اندر سے کیا گیا۔ صدر نے بدنیتی پر مبنی ارادے سے اٹھارویں ترمیم کی خلاف ورزی کی۔
رہنما پیپلز پارٹی نے کہا کہ صدر پارلیمنٹ کا حصہ ہیں، انہوں نے اٹھارہویں ترمیم کی خلاف ورزی کی۔ اٹھارویں ترمیم میں صوابدیدی اختیار کے الفاظ ہٹا کر پارلیمانی کمیٹی کو شامل کیا گیا تھا۔
انہوں نے کہا کہ آئین کے مطابق وزیراعظم اور اپوزیشن لیڈر اتفاق رائے سے الیکشن کمیشن کے رکن کے لئے تین نام بھیجتے ہیں، وزیر اعظم اور قائد حزب اختلاف کے درمیان ابتدائی مشاورت نہیں ہوئی۔
Latest posts by نیوز ڈیسک (see all)
Facebook Comments - Accept Cookies to Enable FB Comments (See Footer).