چیف جسٹس آف پاکستان کے نام کھلا خط
محترمی ومکرمّی عزت مآب!
جناب چیف جسٹس گلزاراحمد
سپریم کورٹ آف پاکستان
اسلام علیکم ورحمۃ اللہ و برکاتہ!
محترم چیف جسٹس صاحب! چیف جسٹس کی ذمہ داریا ں سنبھانے پر آپ کو بہت بہت مبارکباد اور اللہ ربّ العالمین سے دل سے دعا گو ہوں کہ وہ آپ کی ذمے داریوں کی احسن ادائیگی میں آپ کا بہترین معاون ومددگار ہو، اورآپ اس مملکت خداداد کے لیے نیک شگون ثابت ہوں۔
محترم چیف جسٹس صاحب!
ضلع چترال صوبہ خیبر پختوانخواہ کا رقبے کے لحاظ سب سے بڑا ضلع ہے۔ ہندو کش کے پہاڑوں کے درمیاں واقع سرزمیں چترال کی سرحدیں شندور کے راستے ایک طرف دنیا کی ابھرتی ہوئی سپر پاور پاکستان کے عزیز دوست چین سے جا ملتا ہے۔ تو دوسری طرف چترال کی سرحد واخان کے ساتھ جا ملتا ہے۔ چترال کا ایک سرحد ہمسایہ ملک افغانستان سے بھی ملتا ہے۔ چترال کی تاریخ اس بات کی گواہ ہے کہ اس سرزمیں کے بہادر قوم ڈوگرہ راج کے خلاف گلگت بلتستان کے مقام پر 1947 میں اپنے جانوں کا نذرانہ پیش کیے ہیں۔ وطن عزیز کے لیے اپنے جان و مال قربان کردینے کے لیے چترالی قوم ہر دم ہر وقت تیار ہیں۔
چترال سیاحت کے اعتبار سے پوری دنیا میں اپنی منفرد ثقافت کی وجہ سے پہچانا جاتا ہے۔ چترال کے باشندے انتہائی مہمان نواز ہو نے کے ساتھ ساتھ انتہا ئی وفادار بھی ہے۔ شندور، لواری ٹاپ، کیلاش، گرم چشمہ، بروغل، یہ وہ سیاحتی مقام ہیں جہاں ہر سال لاکھوں کی تعداد میں سیاح چترال کا رخ کرتے ہیں
عزت مآب جناب چیف جسٹس صاحب!
1947 سے لے کر اب تک اس قوم کو کسی نے مسلک کے نام لوٹا ہے تو کسی نے سیاست کے نام پر لوٹا، تو کسی نے ترقی کا جھانسا دے کر سیاست کی ہے۔ پاکستان کے نقشے پر واقع اس جنت نظیر علاقے کو ہر وقت لوٹا گیا ہے۔ مگر کسی نے اس کی ترقی اور خوشحالی کا نہیں سوچا ہے۔
محترم چیف جسٹس صاحب!
میں آپ کی توجہ چترال کی سب سے اہم مسلے کی طرف مبذول کرانا چاہونگا۔ پچھلے سال چترال کو دو ضلعوں میں تقسیم کیاگیا، لیکن یہ الگ ضلع صرف کاغذی حد تک محدود ہے۔ اپرچترال کے ہیڈکواٹر بونی سے لے شندور تا بروغل روڈ گزشتہ کئی سالوں سے اپنے زوال کا رونا رو رہی ہے اس روڈ کی خستہ حالی اور اس روڈ میں کی گئی کرپشن کی کہانی انصاف اور موجودہ نظام کے منہ پر ایک تمانچہ ہے۔ ہر سال اپر چترال کے عوام اس روڈ میں کی گئی کرپشن کے خلاف ہر حکومت کے سامنے اپنے احتجاج ریکارڈ کراتے ہیں اور اپنی بے بسی کا رونا رو رہے ہیں۔ مگر وقت کے بے حس حکمران صرف کھوکھلے دعوے کے سوا کچھ نہیں کرسکتے ہیں۔
یہ روڈ ہی نہیں یہ اپر چترال کے عوام کی ترقی کا ضامن ہے یہ روڈ اس قوم کی بچوں کی مستقبل ہے، یہ روڈ سیاحت کی ترقی ہے۔ یہ روڈ آنے والے نسلوں کی خوشحالی کا واحد راستہ ہے۔
محترم چیف جسٹس صاحب!
بونی یا شندور بروغل روڈ میں کی گئی کرپشن اس قوم کی حق پر ڈاکا ڈالنے کے مترادف ہے اس قوم کے بچوں کے روشن مستقبل کے ساتھ گندا کھیل کھیلا گیا ہے۔ چترالی قوم کے جائز حق کو پامال کیا ہے۔ یہ کرپشن کا کھیل ایک سوچے سمجھے منصوبے کے تحت کیا گیا ہے۔ اور عوام کی ترقی اور خوشحالی کی شاہراہ کو بند کیا گیا ہے۔
محترم چیٖف جسٹس صاحب!
دنیا میں کوئی حکومت ایسی نہیں جس کے دستور میں عدل و انصاف موجود نہ ہوں لیکن دنیا کی کسی حکومت کے پاس ایسا قانون موجود نہیں جس کی پشت پر اللہ تعالی نے جزا و سزا نہ رکھا ہو، یہ انصاف صرف اسلامی دستورِ پاکستان کو حاصل ہے، اور سرزمین پاکستان پوری دنیا میں وہ واحد اسلامی ریاست ہے جو اپنے آئین کے ذریعے ریاست پاکستان کو اس بات کا پابند کرتی ہے کہ لوگوں کی حقوق کا خیال رکھیں انصاف کے توازن کو برابر رکھے، جہاں کرپشن نا انصافی اقراباپروری ہوتو وہ قانون کا ستارہ چکمتا ہے۔
ہم امید کرتے ہیں کہ حکومت پاکستان بونی تا شندور و بوغل روڈ میں کی گئی کرپشن کو اور لاقانونیت کو انصاف کی راہ دکھاے گا۔
- امریکہ میں مقیم چترال کی بیٹی: انسانیت کی خادم - 17/01/2023
- کامیابی کے لئے اچھے نمبر نہیں چاہییں! - 21/09/2021
- چترال کے مراد کا خون کس کے ہاتھ پر تلاش کروں؟ - 28/02/2021
Facebook Comments - Accept Cookies to Enable FB Comments (See Footer).