خیر ہو آپ کے سورس کی جو لوگوں کے جنسی تعلقات اور ان کے نتائج تک بریک کرتا ہے: شہباز گل کی عمر چیمہ پر تنقید


تحریک انصاف کے رہنما ڈاکٹرشہباز گل نے صحافی عمر چیمہ پر سخت تنقید کی ہے۔

مائیکرو بلاگنگ ویب سائٹ ٹوئٹر پر شہباز گل نے وزرائے اعظم کے ڈیووس میں ورلڈ اکنامک فورم دورے کے دوران ہونے والے اخراجات کی تفصیلات شیئر کیں۔ ڈاکٹرشہباز گل کا کہنا تھا کہ وزیراعظم گیلانی کے دورے پر چار لاکھ انسٹھ ہزار چار سو اکاون ڈالر،نواز شریف کے دورے پر سات لاکھ باسٹھ ہزار ایک سو ننانوے ڈالر ، شاہد خاقان عباسی کے دورے پر پانچ لاکھ اکسٹھ ہزار تین سو اکاسی ڈالر جبکہ وزیراعظم عمران خان کے دورے پر ارسٹھ ہزار ڈالر خرچہ آیا۔

اس ٹوئٹ پر عمر چیمہ نے ان اعداد و شمار کے ذرائع دریافت کیے تو شہباز گل نے کہا چیمہ صاحب یہ سورس خاصہ مستند ہے اور میں اس کی ذمہ داری لیتا ہوں لیکن خیر ہو آپ کے اس سورس کی جو سونگھ کر لوگوں کے جنسی تعلقات اور انکے نتائج تک کی خبریں بریک کرتا ہے اور پھر ضد کرتا ہے کہ یہ آزادی صحافت بھی ہے۔

جواب میں عمر چیمہ نے کہا کہ ذمہ داری لینے سے فرق نہیں پڑتا۔ آپ ذرائع شیئر کریں۔ آیا یہ وزارت خارجہ کی انفارمیشن ہے؟

اس بحچ کے پس منظر سے واقف ذرائع کا کہنا ہے کہ شہباز گل 2013 کے ابتدائی مہینوں میں کی جانے والی عمر چیمہ کی اس ٹویٹ کی طرف اشارہ کر رہے تھے جس میں ملفوف انداز میں عمران خان اور ملک کے ایک بڑے سرمایہ دار کے اہل خانہ کے بارے میں انتہائی نجی انکشافات کئے گئے تھے۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments