شخصیت سازی کی ضرورت


وزیر اعظم پاکستان عمران خان نے وبا کے دنوں میں ایک معاشی ریلیف پیکج کا اعلان کیا ہے۔، پٹرول 15 روپیہ کم کر دیا ہے۔، روزانہ اجرت پر کام کرنے والوں کے لیے 200 ارب روپے اور ایکپسوٹ انڈسٹری کے لیے 100 ارب روپے کے ٹیکس ری فنڈ کرنے کا اعلان کیا ہے۔ اگرچہ اس ریلیف پیکج کو بہت شاندار قرار نہیں دیا جاسکتا ریاست کو اس سے بڑھ کر عوام کا خیال رکھنا چاہیے مگر اس بحران زدہ اور وباء زدہ حالات میں اس سے بہتر ریلیف پیکج نہیں دیا جاسکتا تھا بدترین حالات میں اقتدار میں آنے والی تحریک انصاف کی حکومت سے زیادہ توقعات وابستہ کرنا بھی دانشمندی نہیں ہماری بدقسمتی ہے۔

ہم نے شروع دن سے وطن عزیز کو فلاحی ریاست بنانے کا نہیں سوچا کبھی بھی عوام کو جائزحقوق نہیں دیے گئے یہی وجہ کہ ترقی یافتہ ممالک کے برعکس ہم شہریوں کو وبا کے دنوں میں بڑے ریلیف پیکج دینے میں کامیاب نہیں ہوسکے ترقی یافتہ ممالک نے حود کو فلاحی ریاست کے روپ میں ڈھال لیا ہے۔ اس لیے وہاں شخصیت سازی کی جاتی ہے۔ ریاست سگی ماں بن جاتی ہے۔ آزادی کے بعد پاکستان اور بھارت دونوں نے روایتی ہمسایہ ممالک کے رہنے کی بجائے ایک دوسرے کو اپنا دشمن سمجھتے رہے اور ہتھیار بنانے کی اندھی دورڈ میں شامل ہو گئے۔

آج ہمارے پاس اٹیم بم ہے۔ ٹینک ہیں جنگی طیاروں کی بھرمار ہے۔ آبدوزیں ہیں میزائل ہیں اگر نہیں ہیں تو ہسپتال میں ونٹی لیٹر نہیں ہیں سکولوں اور کالجوں کی کمی ہے۔ خدا نہ کرے وباء سنگین صورتحال اختیار کرے اور ہمیں ونٹی لیٹر کی کمی محسوس ہو ذرا سوچیں تب کیا ہو گا اس وبا ء نے ریاست کی عریانی کو اور نمایاں کر دیا ہے۔ دفاعی بجٹ اربوں روپے رکھنے والے شہریوں کو بنیادی سہولیات فراہم کرنے میں کامیاب نہیں ہوسکے یہ لمحہ فکریہ ہے۔

دوسری بدقسمتی یہ ہے۔ جہاں اربوں روپے دفاعی بجٹ میں خرچ ہوئے وہاں ہمارے سیاسی حکمرانوں نے اچھی مثالیں قائم نہیں کی ایک تو بدعنوانیوں کی حکمرانی کو اپنا شیوہ بنایا دوسری طرف میٹرو بس اور اورنج لائن ٹرین منصوبہ پر اربوں روپے خرچ کیے اور شخصیت سازی نہیں کی آج وطن عزیز کی جو حالت ہے۔ اس میں سیاسی اور عسکری قیادت دونوں برابر کی حصہ دار ہے۔ سیاسی اور عسکری اشرافیہ اس لوٹ مار میں برابر کی شریک ہے۔ اس وبا ء نے ساری دنیا کی طرف ہمیں بھی سوچنے پر مجبور کر دیا ہے۔

ہم کہاں کھڑے ہیں چین کی طرح ہم یک مشت ہو کر اس آفت ناگہانی کا مقابلہ نہیں کر سکتے وزیراعظم عمران خان قومی نا اتفاقی کا ذمہ دار مختلف نصاب تعلیم کو قرار دیتے ہیں وہ سمجھتے چونکہ ملک میں مختلف نصاب تعلیم رائج ہیں اس لیے شہریوں کے سوچنے کا انداز بھی مختلف ہے۔ اور الگ الگ مکتبہ فکر کے گروہ موجود ہیں لہذا ان کو ایک قوم نہیں بنایا جاسکتا۔ تحریک انصاف کی حکومت یکساں نصاب تعلیم لاگو کرنے کی تگ دو میں مصروف ہے۔ اس سال وہ نصاب تعلیم کے حوالے سے بڑا قدم اٹھا سکتے ہیں۔

وزیراعظم عمران خان کی بات سے جزوی طور پر اتفاق کیا جا سکتا ہے۔ ایک مکتبہ فکر پیدا کرنے کے لئے یکساں نصاب تعلیم کے ساتھ ساتھ دوسرے اقدامات بھی کرنے ہوں گے محروم طبقات کو ان کے بنیادی حقوق بھی دینے ہوں گے معاشرے میں انسانی حقوق کا پرچار کرنے سے پہلے سماج کو انسانی مرتبے پر لانا بہت ضروری ہے۔ شدت پسندی کی ہی بات کی جائے تو صرف مذہب تک محدود نہیں ہے۔ اس کی اور بھی بہت سی اشکال ہیں جو ہمیں نظر آتی ہیں بدقسمتی سے 70 سالوں سے ہم اس کا کوئی بھی تدارک کرنے میں کامیاب نہیں ہوسکے اور آج ہم سماج کو نارمل بنانے کے جتن کر رہے ہیں۔

اگر دیکھا جائے تو ہم نے سماج کو نارمل بنانے کے بنیادی نکات کی طرف کبھی توجہ ہی نہیں دی، فنون لطیفہ کو پرموٹ کرنے کا کبھی سوچا ہی نہیں۔ وزیراعظم عمران خان کے نئے پاکستان میں ادیبوں اور فنکاروں کے ساتھ کوئی اچھا سلوک نہیں ہو رہا ریڈیو پاکستان لاہور کے فنکار اور سکرپٹ رائٹر 4 ماہ سے ادائیگی سے محروم ہیں دوسری طرف اکادمی ادبیات پاکستان نے ادیبوں کا سپورٹ فنڈ بھی بند کر دیاہے۔

ریڈیو پاکستان وزارت اطلاعات نشریات کے ماتحت ہے۔ اور اکادمی ادبیات پاکستان وزارت تعلیم کے انڈر ہے۔ وقاقی وزراء ڈاکٹر فردوس عاشق اعوان اور شفقت محمود سے فوری ایکشن لینے کی درخواست ہے۔ تاکہ فنکاروں اور ادیبوں کے واجبات فورا ادا کیے جاسکیں۔ جسا کہ سطور بالا میں لکھا گیا ہے۔ سماج کو نارمل بنانے کے لیے ادیب اور دانشور اور فنکار نمایاں کردار ادا کر سکتے ہیں اس کے لیے ضروری ہے۔ وہ معاشی ترقی کریں تب ہی وہ سماج کو نارمل بنانے کا کام کر سکتے ہیں اس کے لیے شخصیت سازی کی ضرورت ہے۔۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments