’ہم سب‘ اب ٹاپ پانچ سو میں ہے
گزشتہ روز ’ہم سب‘ نے ایک اور اہم سنگ میل عبور کر لیا ہے۔ یہ پاکستان میں سب سے زیادہ دیکھی جانے والی ٹاپ پانچ سو ویب سائٹس میں سے ایک بن چکی ہے۔ خبروں اور تجزیات پر فوکس کرنے والی اردو ویب سائٹس میں یہ 17 ویں نمبر پر ہے، اور صرف تجزیات شائع کرنے والی ویب سائٹس میں یہ پاکستان میں پہلے نمبر پر ہے۔
یاد رہے کہ ’ہم سب‘ کی ویب سائٹ نہ تو سنسنی خیز سرخیوں کے ذریعے ریڈر شپ بڑھاتی ہے اور نہ ہی سستی جذباتیت فروخت کر کے ویو حاصل کرنے کی قائل ہے۔ متنازع مذہبی معاملات کی بحث میں الجھنے اور تکفیری مضامین کے ذریعے ویور شپ بڑھانے کے بھی ہم قائل نہیں ہیں اور نہ ہی ایسے مذہبی فتاوی پر مبنی تحریریں شائع کی جاتی ہیں جن کا مقصد محض جذبات کو بھڑکانا ہو۔
’ہم سب‘ اس دنیا کے معاملات پر بات کرتا ہے۔ امن سکون سے مل جل کر رہنے کی بات کرتا ہے۔ یہ کہتا ہے کہ کالے کو گورے پر اور عربی کو عجمی پر فوقیت حاصل نہیں ہے۔ وہ انسان سب سے بہتر ہے جو سب انسانوں سے پیار کرنے کا قائل ہے۔ یہی ہمارا پیغام ہے۔ اور ’ہم سب‘ کی روز بروز بڑھتی ہوئی مقبولیت اسی بات کی شاہد ہے کہ دہشت گردی اور تنگ نظری سے تنگ آئی ہماری قوم کے دل کی آواز ’ہم سب‘ پر شائع ہو رہی ہے۔
ادارہ ’ہم سب‘ اس اہم سنگ میل کو عبور کرنے پر پڑھنے اور لکھنے والے پاکستانیوں کا شکریہ ادا کرتا ہے۔
- ولایتی بچے بڑے ہو کر کیا بننے کا خواب دیکھتے ہیں؟ - 26/03/2024
- ہم نے غلط ہیرو تراش رکھے ہیں - 25/03/2024
- قصہ ووٹ ڈالنے اور پولیس کے ہاتھوں ایک ووٹر کی پٹائی کا - 08/02/2024
Facebook Comments - Accept Cookies to Enable FB Comments (See Footer).