عفت نوید کی خود نوشت: دیپ جلتے رہے

میرا عفت سے ناطہ پہلی بار اس کی زندگی کے ایک باب کو پڑھنے کے بعد ہی جڑ چکا تھا۔ عنوان تھا “میرانیس کے گھرانے کی سنی بہو“۔ پھر اس کے مزید چھپنے والے مضامین میں اسکی سچائی،  سماجی مسائل پہ گہری نظر اور انسانوں سے بے لوث محبت۔بناوٹ، دکھاوا اور نام و نمود کی طمع سے کوسوں دوری نےبتدریج  مجھے اس کے مزید قریب کر دیا۔یہ بات تو ہوئ دوستی کے حوالے سے۔ اب جبکہ اسکی سوانحعمری  “دیپ جلتے رہے ” کی کتابی صورت میں شائع ہو چکی ہے میں بطور سوشل ورکر ضروری سمجھتی ہوںکہ ذہنی امراض کے حوالے سے کچھ بات کروں۔ گو اس سوانح میں درج سماجی موضوعات کے تنوع کےاعتبار سے یہ عفت کی کتاب کے ساتھ ذیادتی ہوگی لیکن میری نظر میں جو موضوع اس کتاب کو بہت منفردبنا رہا ہے وہ معاشرے میں ذہنی امراض سے آگہی اور شعور کہ جسکا ہمارے معاشرے میں شدید فقدانہے۔ چونکہ ہمارے سماج میں ذہنی امراض معاشرتی تہمت رکھتے ہیں۔ لہٰذا ان امراض کو پہچاننا، قبول کرنااور ان میں مبتلا مریضوں کو اپنانا اکثر ناممکنات کے زمرے میں آتا ہے۔ 

عفت نے اپنی جیون ساتھی مشہور شاعر اور دانشور احمد نوید سے محبت کی، انکے مرض کو سمجھا ، بساط بھرعلاج میں کوئ کسر نہ رکھی اور زندگی کی تماتر کٹھنائیوں سے نپٹتے ہوۓ بھی اپنی لازوال محبت کے دیپجلاۓ رکھے۔ عفت کی زندگی کی کہانی  پڑھتے ہوۓ   مجھےاپنے بچپن کی کہانی میں پڑھا  بوتل والا وہ جن  یاد  آتا رہا جو اپنے سرکار کے ہر حکم کا تابع دار تھا۔اور “کیا حکم ہے میرے آقا؟” کہتے ہوۓ وہ  ہر ناممکنکام کو ممکن بنا دیتا۔ عفت نے بھی ایسی زندگی بسر کی کہ جہاں اسکی بے غرض محبت، جفاکشی ، انصافپسندی ، جراتمندی اور حس ظرافت بوتل کے جن میں حلول کر کے مشکل کاموں کو ممکن بناتی رہی اورزندگی کے دیپ جلاتی ہی چلی گئی۔

عفت کی ازدواجی زندگی کی تین دھائیوں کی کڑی مسافت ہچکولوں اور دھکوں کے باوجود میر احمد نوید کےسنگ مزے سے گذری ۔کیونکہ بقول عفت “میری خوش نصیبی کہ وہ میرا بہترین دوست ہے۔“

عفت کا تعلق خیرپور سے ہے۔ جبھی اسکی بود و باش میں سندھ کی  مٹی کی مٹھاس ، نرمی ، سادگی اورسچائ ہے۔ لیکن انسانوں سے جڑ ے رہنے اور ان کے دکھوں پہ سراپا احتجاج لکھاری ہونا اسکا اپنےوالدین سے ملا ورثہ۔ تاہم کراچی شہر میں عفت اور نوید کی یکجائ میں مشترکہ ادب پروری کا ہاتھ ہے ۔کراچی کے باسی میر احمد نوید،  میر انیس کے گھرانے کے فرزند اور انہی کے نقش قدم پہ چلنے والے باکمالشاعر ۔ 

احمد نوید کی الفت کی اسیری میں سرشار عفت کو شادی سے پہلے اپنے محبوب کی طبیعت کی وحشتوں کا علمہو چکا تھا۔ “بےتکان بولتے کبھی بولتے بولتے اچانک غصہ میں آجاتے۔ ”  علامت سے ظاہر ہے کہ وہ بائپولر ڈس آرڈر کا شکار تھے جو ایک نفسیاتی عارضہ ہے۔کہ جسمیں مریض کا موڈ کبھی یاسیت تو کبھی منیکحالت میں ہوتاہے۔ لیکن انکے مزاج کے بدلتے موسموں ، یاسیت اور وحشتوں کے دوروں ، نروس بریکڈاؤن، ہائ ڈوز دوائیوں ، انجیکشن اور رعشہ سے کانپتے وجود نے عفت کے شادی کے فیصلہ کو متزلزلنہیں ہونے دیا۔ “ہم نے کہا یہ ایک مرض ہے کوئ برائ نہیں۔” ۔ایک ذہنی مرض میں مبتلا شخص وہ بھیشاعرکو اپنانا یقینا آسان نہ تھا ۔ جبھی توعفت لکھتی ہیں” اچھی اداکاری تماشائیوں کو تالی بجانے پر اکساتیہے۔ زندگی کی حقیقی داستان کے موڑ آسانی سے نہیں کاٹے جاتے ۔ اذیت ، مصیبت بلائیں ہر موڑ پر بکلمارے بیٹھی ہوتی ہیں۔“

عفت نےازدواجی زندگی میں محض  گھریلو ذمہ داری ہی نہیں ادا کی ، بلکہ ملازمت کے ساتھ ساتھ بچوں کیپرورش کا فریضہ بھی نبھایا۔ خود احمد نوید نے اسکا اعتراف کیا ہے کہ“اس نے اپنے گھریلو ذمہ داری کوتخلیقی عمل پر ہمیشہ فوقیت دی۔ اگر وہ ایسا نہ کرتی تو ہمارا گھر تباہ ہو جاتا۔ بچے دربدر ہوجاتے اور میںجنون کے ہاتھوں حواس باختہ ہوکر مر جاتا۔” عورت جو تخلیقی ہنر کا منبع ہے کسطرح گھر کی استقامت کےلیے اپنی تخلیقی سیلاب پہ بند باندھتی ہے۔ میں نے مردوں کو اس قسم کی قربانی دیتے نہیں دیکھا۔

اپنی زندگی کے تجربات کا عفت نے ذاتی تکلیف کے چھوٹے کیمرے کی آنکھ سے دیکھنے کے بجاے بڑےسماجی کینوس پہ مشاہدہ کیا۔ اور ان مسائل کا بہت سچائ سے ذکر کیا جن کا غربت سے جھونجتی عوام کوسامنا ہے۔خاص کر غیر تربیت یافتہ دائ کے ہاتھوں بچے کا پیدا ہونا،سرکاری ہسپتال میں زچہ اور بچہ کےوارڈ کی تکلیف دہ تصویر کشی اور ذہنی امراض کے شعبہ میں مریضوں کے ساتھ غیر انسانی سلوک۔

اپنے زچگی کے تجربہ کی بنیاد پہ انہوں نے ایک سرکاری ہسپتال کے زچہ خانے کو اصطبل سے تشبہہ دیجہاں بکریوں گاۓ بھینسوں کی طرح عورتیں ڈکار رہی تھیں۔ “قیامت کو منظر دیکھنے کے لیے مرنے کیضرورت نہیں۔بس بچہ پیدا ہوتے دیکھ لیجیے۔” ایک ایسے ملک میں جہاں آبادی میں اضافہ بے قابو،  غربتکی شرح شرمناک اور یہ مفروضہ کامل ایمان کہ ہر بچہ اپنا رزق ساتھ لاتا ہے، جسکی نفی میں عفت  لکھتیہیں “۔۔ایسا سنا تو ہے پر مجھ جیسی  ظالم حقیقت پسند کو اسپر یقین بالکل نہیں۔۔۔۔رزق کی فروانی کیوجہ سے امیر حساب نہیں رکھ پاتا اور غریب کا بچہ ماں کا خون چوس کر اسے ذرا چھوٹا کر کے خود ذرا بڑاہو جاتا ہے تو اپنے بہن بھائیوں کے رزق پہ ہاتھ صاف کرنے لگ جاتا ہے“۔

پھر نفسیاتی ہسپتال کے عملہ کے ہاتھوں مریض کا حال بھی لکھا ہے۔“بہت مارا ہے انہوں نے مجھے۔۔۔مجھے ڈھیروں دوائیں دیتے منع کرتا تو مارتے تھے۔پھر جب میں دواؤں کے زیر اثر سو جاتا تو کوئ نہکوئ پاگل مجھے اکثر اٹھا دیتا۔ چلو عفت تم جو کہونگی میں کرونگا۔۔” یہ مریض احمد نوید تھے۔

ایسا نہیں تھا کہ تین بچوں اور ذہنی مرض میں مبتلا شوہر کے ساتھ زندگی پھولوں کی سیج تھی۔بیماری کی وجہسے  تنگ دستی اور لوگوں کا دوستی سے اجتناب کا سامنا۔تو  کبھی عفت نے خود ترسی کے عالم میں سوچاکہ شاید یہ قدرت کی جانب سے انکی بچپن کی زبان درازی اور ہٹ دھرمی کی سزا ہے ۔ کبھی ان پر انکےاپنے گھر والوں اور بچوں کی جانب سے علیحدگی کا دباؤ تو کبھی احمد نوید کے خود اپنے گھر والوں کی جانبسے طلاق کے  زور کا سامنا تھا۔ مگر ایسے میں عفت کی نظر میں احمد نوید کی ماں کا نفی میں ہلتا سر اورخاموش آنکھوں کی التجا تھی “اسے چھوڑنا مت ۔ اسکا خیال رکھنا“۔

عفت لکھتی ہیں۔” ماں جو پیدا کرنے ، مارنے، رلانے ، ہنسانے، تڑپاُنے اور بھوکا رکھنے پر قدرت رکھتیہے، اسکے بیٹے کو چھوڑ دینے کا مطلب ہوتا ہے کہ ہم اپنی قدرت مٹی میں ملا دیں۔ایک ماں کی قدرت نےدوسری ماں کی قدرت کو جلا بخشی اور معجزہ دکھایا کہ آج ہمارے بچے شجر سایہ دار کی صورت بڑی شان سےزمین پر اپنے قدم جماۓ ہوۓ ہیں“۔

آپ بیتی کا حسن اسکی سچائ میں مضمر ہے۔ مصلحت سے کام لینے سے وہ آپ بیتی کے زمرے سے خارجہوجاتی ہے۔ عفت نے اپنی آپ بیتی کو اپنے حسن بیان اور حس مزاح سے دلچسپ اور رواں ضرور بنایامگر پوری سچائ قلمبند کرنے کی جرات مندی نے اس آپ بیتی کو اہم کتاب کی فہرست میں شامل کردیا ہے

پہلے زمانے میں شادی کے موقعہ پہ لوگ بیٹیوں کے جہیز میں بہشتی زیور دیتے تھے  لیکن میں سمجھتی ہوں کہانسانی شعور و آگہی اور بے لوث محبت کا دیپ جلا ۓ رکھنے کے لیے اردو پڑھنے والے ہر فرد کے لیےاس کتاب کو ضرور پڑھنا چاہیے۔  بلکہ ذہنی اور نفسیاتی امراض سے متعلق آگہی کے لیے اسے نصاب کاحصہ ہونا چاہیے۔

• About
• Latest Posts

گوہر تاج مشی گن (امریکہ)

Latest posts by گوہر تاج مشی گن (امریکہ) (see all)

• بڑے لوگوں کا بچپن: باتیں رضیہ فصیح احمد سے - 14/04/2024
• شمالی امریکہ کے نیٹیو امریکن بورڈنگ اسکولوں میں ثقافتی نسل کشی - 05/04/2024
• شمالی ایریزونا کا عجائب خانہ - 27/03/2024