پاکستانی نوجوان کی جاپانی مقابلے میں دوسری پوزیشن
گوئی پِیس فاؤنڈیشن اور منسٹری آف ایجوکیشن، کلچر، سپورٹس، سائنس اینڈ ٹیکنالوجی جاپان کے زیرِ اہتمام نوجوانوں کے لیے سالانہ عالمی مضمون نویسی مقابلہ برائے 2023 کا انعقاد کیا گیا۔
مقابلے کا مقصد دنیا میں قیامِ امن کے لیے نوجوانوں کی کوششوں کو سراہنا تھا۔ مقابلہ بچوں اور نوجوانوں کے لیے دو علاحدہ حصوں میں تقسیم تھا۔
دنیا کے 168 ممالک سے مجموعی طور پر 20,674 لوگوں نے اس مقابلے میں حصہ لیا۔
پاکستان سے حسیب اقبال نے نوجوانوں کی کیٹیگری میں دوسری پوزیشن حاصل کر کے ملک کا سر فخر سے بلند کر دیا۔ وہ اس مقابلے میں واحد پاکستانی پوزیشن ہولڈر تھے۔
جاپان کی منسٹری آف ایجوکیشن کی طرف سے ان کے لیے 50,000 جاپانی ین کی انعامی رقم کے ساتھ ساتھ سرٹیفیکیٹ، ایوارڈ، اور تحائف کا اعلان کیا گیا۔
اپنے منفرد اسلوب میں شعر کہنے والے حسیب اقبال ضلع اٹک کی تحصیل حضرو سے تعلق رکھتے ہیں۔ یونیورسٹی آف ایجوکیشن اٹک کیمپس میں بی ایس (آنرز) انگلش کر رہے ہیں جب کہ ادبی تنظیم بہارِ نو کے ساتھ بہ طور جنرل سیکرٹری خدمات سر انجام دے رہے ہیں۔
- بیلٹ اینڈ روڈ فورم پر سیمینار - 02/11/2023
- پاکستانی نوجوان کی جاپانی مقابلے میں دوسری پوزیشن - 01/11/2023
- سپریم کورٹ کا ایک گھنٹے میں عمران خان کو عدالت پیش کرنے کا حکم - 11/05/2023
Facebook Comments - Accept Cookies to Enable FB Comments (See Footer).