کراچی پاکستان کا معاشی دارالحکومت رہنا چاہیے : فاروق ستار

ایم کیوایم کے قومی اسمبلی میں پارلیمانی لیڈرڈاکٹر فاروق ستار نے پاکستان سٹاک ایکس چینج کے قیام کی مخالفت کرتے ہوئے کہا کہ اصل سٹاک ایکس چینج تو کراچی سٹاک ایکس چینج تھی، ہیڈکوارٹر کو اسلام آباد منتقلی مناسب نہیں۔
قومی اسمبلی میں اظہار خیال کرتے ہوئے فاروق ستار نے کہاکہ کراچی پاکستان کا معاشی دارالحکومت ہے اور رہنا چاہئے، اصل سٹاک ایکس چینج توکراچی سٹاک ایکس چینج ہے، لاہور سٹاک اوراسلام آباد سٹاک ایکس چینج اس کا حصہ تھیں، اب سٹاک ایکس چینج کا ہیڈ کوارٹر کراچی سے اسلام آباد منتقل کر دیا گیا ہے جو مناسب نہیں۔
وزیراعظم نے چند روز پہلے ہی کراچی سٹاک ایکس چینج کی کارکردگی کو سراہا تھا، فاروق ستار نے کہا کہ کیا اب کل پی آئی اے کا ہیڈ آفس بھی اسلام آباد لے آئیں گے، وفاقی وزیر ریاض پیرزادہ نے کہا کہ سٹاک ایکس چینج کا ہیڈکوارٹر اسلام آباد منتقلی کا مطالبہ سینٹ میں کیا گیا، ان کے خیال میں کچھ اہم ادارے جہاں ہیں وہیں رہنے چاہئیں کیونکہ اداروں کی منتقلی پر اربوں روپے خرچ ہوتے ہیں۔

• About
• Latest Posts

نیوز ڈیسک

Latest posts by نیوز ڈیسک (see all)

• پولیس نے جلاؤ گھیراؤ کے الزام میں 316 پی ٹی آئی مظاہرین کو گرفتار کر لیا - 22/03/2023
• یاسر پیرزادہ کی نئی کتاب ”سیلف ہیلپ۔ آگ لگے ان کتابوں کو“ - 07/03/2023
• اداکار قوی خان انتقال کر گئے - 06/03/2023