کرایہ ادا کرنے میں ناکامی: قندیل بلوچ کے والدین کو گھر سے نکال دیا گیا
ملتان: پچھلے سال غیرت کے نام پر قتل ہونے والی ماڈل قندیل بلوچ کے خاندان کو کرایہ ادا کرنے میں ناکامی کی وجہ سے مالک مکان نے گھر سے جبراً نکال دیا ہے۔
جولائی 2016 میں فوزیہ عظیم، جو قندیل بلوچ کیا نام سے جانی جاتی تھیں کو ان کے بھائی نے مبینہ طور پر گلا گھونٹ کر غیرت کے نام پر قتل کر دیا تھا۔
میڈیا سے گفتگو کرتے ہوئے قندیل بلوچ کے والد، محمد عظیم کا کہنا تھا کہ ان کی بیٹی قندیل بلوچ کے قتل کے بعد وہ کرایہ ادا کرنے میں مسلسل ناکام رہے۔ ان کا کہنا تھا کہ اپنی زندگی میں قندیل ان کے اخراجات اٹھاتی تھی۔
قندیل بلوچ کے خاندان کے مطابق وہ اپنے خاندان میں واحد کمانے والی تھیں اور گھر کے تمام اخراجات کی ذمہ دار تھیں۔
محمد عظیم کا کہنا تھا کہ، “میری بیٹی میرے لئے واحد مالی وسیلہ تھی، وہ نہ صرف ہمارے اخراجات کا خیال رکھتی بلکہ جس بھائی نے اسے قتل کیا اس کا بھی خرچہ اٹھاتی تھی”۔
Facebook Comments - Accept Cookies to Enable FB Comments (See Footer).