‘مودی کی بی جے پی اور اسرائیل کی سوچ ایک جیسی ہے’
انڈیا کے وزیر اعظم نریندر مودی منگل کی صبح اسرائیل کے تین روز دورے پر روانہ ہوئے ہیں۔ وہ اسرائیل کا دورہ کرنے والے انڈیا کے پہلے وزیر اعظم ہیں۔
انڈیا اور اور اسرائیل کے درمیان باقاعدہ تعلقات سنہ 1992 میں قائم ہوئے تھے لیکن اس میں تيزی بی جے پی کی حکومت میں آئی۔
حکمراں بھارتیہ جنتا پارٹی اور اسرائیل کی حکومت کے درمیان سمجھ بوجھ کافی اچھی رہی ہے۔
اٹل بہاری واجپئی کی حکومت کے دوران سنہ 1999 میں کارگل کی لڑائی کے وقت دونوں ممالک کے تعلقات کافی آگے بڑھے تھے۔ اس وقت اسرائیل نے اسلحہ اور بارود بھیجنے میں انڈيا کی بہت مدد کی تھی۔
مودی انڈيا کی سابقہ پالیسی سے انحراف کرتے ہوئے اس بار فلسطینی خطے کا دورہ نہیں کریں گے
در اصل بھارتیہ جنتا پارٹی اور اسرائیل کا ’پولیٹکل آؤٹ لک‘ کافی ملتا جلتا ہے اور میرے خيال سے وزیراعظم نریندر مودی کے دورے کے دوران دونوں ملکوں میں جاری موجودہ تعاون میں اور اضافہ ہو گا۔
انڈیا نے چار پانچ برس قبل اسرائیل کی فوجی سیٹلائٹ کو بھی لانچ کرنے میں مدد کی تھی۔
اسرائیل گذشتہ 15 سے 20 سال میں انڈیا کو دفاعی ساز و سامان دینے کے معاملے میں چوتھا سب سے بڑا ملک بن کر ابھرا ہے۔ اس ضمن میں امریکہ، روس اور فرانس کے بعد اسرائیل کا نمبر آتا ہے۔ اسرائیل نے انڈیا کو کئی طرح کے میزائل سسٹم، ریڈار اور ہتھیار مہیا کیے ہیں۔
اسرائیل بذات خود بہت بڑے پلیٹ فارم اور جہاز نہیں بناتا لیکن وہ میزائل اور ریڈار کا نظام بناتا ہے۔
بھارتیہ جنتا پارٹی ابتدا سے ہی اسرائیل کی حامی رہی ہے اور بی جے پی کے اقتدار میں آنے کے بعد دونوں ملکوں کے تعلقات بہت گہرے ہوئے ہیں
گذشتہ ڈیڑھ عشرے میں انڈیا کا اسرائیل پر انحصار میں اضافہ ہوا ہے۔ وزیر اعظم نریندر مودی کے دورے کے دوران جو دفاعی معاہدے ہوں گے، ان کے حوالے سے کافی طویل وقت سے بات چیت چل رہی ہے۔
انڈيا اور اسرائیل اپنے تعلقات پر خاموشی سے کام کرتے ہیں۔ چین کے ساتھ کوئی بھی ملک اپنے دفاعی سودوں کے تعلق سے، خاص طور پر آلات کے حوالے سے، بڑی ہوشیاری سے آگے بڑھاتا ہے۔
اس کی وجہ یہ ہے کہ چین تقریباً ہر آلے کی ریورس انجینئرنگ کر لیتا ہے اور اسے خود بنانے لگتا ہے۔ بہت سے ملک چین کو دفاعی ساز و سامان فروخت کرنے کے لیے تیار نہیں ہوتے ہیں۔
اسرائیل نے چین کو ہوائی جہاز کے ’ارلی وارننگ سسٹم‘ فروخت کیے تھے، لیکن وہ سودا منسوخ ہو گیا۔ اسرائیل کا چین کے ساتھ تجربہ اچھا نہیں رہا ہے۔ اس کے برعکس انڈیا کے ساتھ وہ بات نہیں ہے۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).