سیکرٹری خارجہ مذاکرات کیلئے بھارت کے ساتھ رابطے میں ہیں:دفتر خارجہ

 ترجمان دفتر خارجہ قاضی خلیل اللہ نے میڈیا بریفنگ میں کہا کہ پاکستان انڈونیشیا میں ہونے والی دہشت گردی کی مذمت کرتا ہے اور خطے میں ہونے والی دہشت گردی کے خلاف ہے۔ ان کا مزید کہنا تھا مولانا مسعود اظہر کو حفاظتی تحویل میں لیے جانے کی تصدیق نہیں کر سکتا اور وزیراعظم ہاو¿س کے بیان پر مزید کچھ نہیں کہہ سکتا۔ ترجمان دفتر خارجہ نے کہا پاک بھارت سیکرٹری خارجہ مذاکرات کے لئے تاریخ کا تعین نہیں ہوا تھا اور سیکرٹری خارجہ مذاکرات کی تاریخ طے کرنے کیلئے بھارت کے ساتھ رابطے میں ہیں۔ قومی سلامتی مشیروں کی پیرس میں ممکنہ ملاقات کا علم نہیں۔ ترجمان دفتر خارجہ قاضی خلیل اللہ نے ایران اور سعودی عرب کے درمیان پیدا ہونیوالے تناو¿ پر بات کرتے ہوئے کہا ایران قریبی ہمسایہ ملک ہے اور ہمارے جذبات واضح ہیں۔ ایران کے ساتھ تعلقات میں مزید بہتری کے خواہاں ہیں اور پاکستان چاہتا ہے کہ دونوں ممالک مسائل کو پرامن طریقے سے حل کریں۔ افغانستان کے شہر جلال آباد میں پاکستان کے سفارت خانے کے باہر ہونے والے حملے کے بارے میں ترجمان دفتر خارجہ کا کہنا تھا کہ افغان حکام سے مزید معلومات کے لئے کہا ہے۔ گزشتہ روز افغان سفیر نے افغانستان میں داعش کی 80 فیصد قیادت کے پاکستان سے آنے کا الزام عائد کیا تھا جسے ترجمان دفتر خارجہ نے مسترد کرتے ہوئے کہا ایسے بے بنیاد بیانات سے گریز کرنا چاہیے۔

• About
• Latest Posts

نیوز ڈیسک

Latest posts by نیوز ڈیسک (see all)

• دیپالپور میں احمدی عبادت گاہ پر پولیس کا حملہ - 13/09/2024
• پاور ڈویژن نے سولر پاور پر ٹیکس کی خبروں کو جھوٹ قرار دیدیا - 27/04/2024
• سولر پینل لگانے والوں پر ٹیکس عائد کرنے کی تجویز - 26/04/2024