خُوشبووں کا شہر ہونے کی وجہ سے پیرس، دنیا میں کافی شہرت رکھتا ہے۔ اِس شہر کی خُوبصورتی اور روشنیاں آپ کو حیران اور محسُور کرتی رہتی ہیں۔ جہاں اِس شہر میں ہونے والی کئی ایک سماجی، تاریخی اور معاشرتی سرگرمیاں ہمیشہ دُنیا کی توجہ کا مرکز رہتی ہیں وہیں یہ شہر کاتھولک کلیسیاؔ کی تاریخ کے خزانے رکھے ہوئے ہے۔ جن میں پیرس کا کیتھڈر ل : ”نوٹرا ڈیم“ اور ”یسُوع مسیح کے اقدس دِل کا مانئیر باسلیکا“ اِن دونوں تاریخی گرجا گھر وں کی زیارت سے آپ کی روح تازہ ہوجائے گی۔ فرانسیسی زبان کے الفاظ نوٹرا ڈیم کا لغوٰی ترجمہ ”خاتونِ پیرس“ کیاجاتا ہے۔ کیتھڈرل کو صدر گرجا گھر یا مادر گرجا گھر کی حیثیت حاصل ہوتی ہے۔