وہ انسان جو اشرف المخلوقات کا مفہوم جانے بنا ہی اشرف المخلوقات ہونے کا اعزاز سمیٹ رہا ہے۔ اللہ تعالٰی کی ایسی افضل خلق جس میں ہر چیز کو سمجھنے اور پرکھنے کا جذبہ اس کے خمیر میں شامل ہے۔ اگر کبھی کوئی خطا سرزد ہو تو اس کو اعلیٰ ذریعے سے سدھارنے کا فن بدرجہ اتم موجود ہے۔ لیکن اگر کوئی گناہ ہو جائے تو سب سے پہلے اس انسان کو نادم ہونا چاہیے، توبہ کرنی چاہیے اور دوبارہ کبھی نہ کرنے کا پختہ عزم بھی۔