کہتے ہیں بچہ چاہے کتنا ہی بڑا کیوں نہ ہو جائے ماں کے لیے بچہ ہی رہتا ہے۔ خود مشکل میں رہ کر ماں ہمیشہ اپنے بچے کو آسانی میں دیکھنا چاہتی ہے۔ کوئٹہ کی ماں مگر چاہ کر بھی اپنے بچے کے لیے آسانی نہیں دیکھ پا رہی اور مسلسل مشکل سے بھی دوچار ہے۔ آئے روز ہزارہ قبیلے کا قتلِ عام کیا حال کرتا ہو گا اس ماں کو جو اپنے بچے کی لاش ٹکڑوں میں بکھری دیکھتی ہو گی۔ کب تک یوں لوگ دہشت گردی کے بھینٹ چڑھتے رہیں گے؟