نئے دور کے تقاضوں کو سمجھنے کے لیے نئے ذہن اور نئی سوچ کی ضرورت ہے، ورنہ اس دور کی گھمن گھیریاں آپ کے اوسان خطا کیے بنا نہیں چھوڑیں گی۔

بہت کچھ بدلا، انسانی رویوں میں تبدیلی آئی اور ایک دور آیا انسان نے الفاظ سے کھیلنا شروع کر دیا۔ لفظوں کے کھیل کا موسم آن پہنچا اور لفظوں کے کھلاڑی نے اپنے آپ کو محفوظ رکھنے کے لیے ”سپیس“ جیسے لفظ کے نئے معانی متعارف کروائے۔

یہ نیا انسان کہتا ہے ہمیں سپیس چاہیے۔ یہ شوہر ہو کر اگر کسی دوسری عورت سے بات کرتا ہے ، اگر اس سے سوال کیا جائے تو کہتا ہے مجھے سپیس چاہیے، چاہے وہ مرد کسی دوسرے کی بیوی کے ساتھ ہی کیوں نہ مصروف پایا جائے۔