محترم دوست امید ہے آپ بخیر و عافیت ہوں گے۔ وزیرستان کا موسم بھی تھوڑا بہتر ہوگا پہاڑی علاقے ہے۔ روزے مست گزر رہے ہوں گے۔ پنجابیوں نے یہاں بھی ہمارے ساتھ نا انصافی کی ہے اپنے لئے مکہ مدینہ کی سیر والے حج عمروں کا انتخاب کیا ہے اور ہمارے لئے یہ گرمیوں کے روزے چھوڑے ہیں۔محترم منظور صاحب اگر گوگل میپ سے دیکھے تو براعظم شمالی امریکہ کے انتہائی نیچے کیریبین جزائر میں خشکی کے ایک ٹکڑے پر دو ملک آباد ہیں۔ ایک کا نام ”ہیٹی“ جبکہ دوسرے کا ”ڈومینیکن ریپبلک“ ہے۔ ایک ہی جزیرے پر ہونے کے باوجود دونوں ملکوں کے عوام کے لائف سٹائل میں زمین آسمان کا فرق ہے۔

پرانے زمانے میں مالاکنڈ پہاڑی کے دامن میں ایک گاؤں آباد تھا۔ جب بھی کوئی مسافر گاڑی حادثے کا شکار ہوکر پہاڑ سے گر جاتی یہ لوگ جاکر ان کا سامان لوٹتے۔ یہی ان کا ذریعہ معاش تھا۔ ان کا امام مسجد میں نماز کے بعد کچھ یوں دعا پڑھتا ”اے پروردگار بہت عرصہ ہوا ہے کوئی گاڑی نہیں گری۔ کوئی باراتیوں سے بھری بس گرادے جن کی عورتیں سونے سے لدی ہوئی ہو۔ رب کریم کوئی برطانیہ پلٹ کی گاڑی گرادے جس کا بیگ سامان سے اور جیب پاونڈ سے بھرا ہو۔ ہم تیرے نادان بندے ہیں اگر ہم سے کوئی بھول ہوئی ہو تو رحم کا معاملہ کر ورنہ ہمارے بچے بھوکے مرجائے گے۔ “ پیچھے سے مقتدی امین ثمہ امین کی صدا لگاتے۔