ملائیشیا کے جھنڈے کو ’دولت اسلامیہ کی علامت‘ سمجھا گیا
امریکہ میں جھنڈے پر ہونے والے تنازع کے بعد ایک مسلمان شخص کی رکنیت کو محدود کرنے پر ملازمتوں کی ایسوسی ایشن کے خلاف مقدمہ دائر کیا گیا ہے۔
مسلمان شخص منیر زینیئل نے اس تنظیم کی ایک پراپرٹی کو ملائیشیا کا یوم آزادی منانے کے لیے کرائے پر دیا تھا۔
اس دوران ایک شخص نے ایف بی آئی کو یہ شکایت لگا دی کہ اس پراپرٹی پر چند مسلمان افراد ایک ایسا امریکی جھنڈا لہرا رہے ہیں جس کی شکل بگاڑ کر اس پر شدت پسند تنظیم دولت اسلامیہ کی علامات بنائی گئی ہیں۔
تحقیقات کو اس وقت ختم کر دیا گیا جب یہ معلوم ہوا کہ وہ دراصل ملائیشیا کا جھنڈا ہے۔
لیکن یہ ثابت ہونے کے باوجود منیر زینیئل کو کسی قسم کے ایونٹ کی میزبانی سے روک دیا گیا۔
دی امیریکن سِول لبرٹیز یونین نے ملازموں کی یونین سپِرٹ بوئنگ کے خلاف ‘نسلی تعصب اور مذہبی بنیادوں پر امتیاز’ کا مقدمہ دائر کیا ہے۔
’تعصب‘
منیر زینیئل کا تعلق ملائیشیا سے ہے اور وہ ایک ایرو سپیس انجینیئر ہیں۔ انھوں نے ستمبر 2017 میں رمضان کے بعد ملائیشیا کا یوم آزادی منانے کے لیے وہ پراپرٹی کرائے پر دی تھی۔ وہ اس وقت اس ایسوسی ایشن کی رکنیت کے لیے پیسے ادا کر رہے تھے اور انھیں ملنے والی مراعات میں یہ شامل تھا کہ وہ پراپرٹیز کو کرائے پر دے سکیں۔
اُس وقت درج کرائی گئی شکایت میں کہا گیا تھا کہ اُس دعوت میں انڈین اور ملائیشین نژاد ایسی خواتین شامل تھیں جنھوں نے حجاب پہن رکھے تھے۔
دی امیریکن سِول لِبرٹیز یونین کے ایگزیکٹو ڈائریکٹر کا کہنا ہے کہ ‘کسی کو اس کی شکل و صورت اور اپنے ورثے کے مطابق جشن منانے کی وجہ سے دہشت گرد قرار دے دینا شرمناک ہے۔ اور ایف بی آئی کی جانب سے کیس ختم کرنے کے باوجود اس الزام کو استعمال کرتے ہوئے تعصب کرتے رہنے کا مطلب ہے کہ آپ قصوروار ہیں’۔
ملازمین کی ایسوسی ایشن سپِرٹ بوئنگ نے اس بارے میں ابھی تک کوئی بیان جاری نہیں کیا ہے۔
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
Facebook Comments - Accept Cookies to Enable FB Comments (See Footer).