کیا پریتی زنٹا نے واقعی ایسا کہا؟
انڈین پریمیئر لیگ یعنی آئی پی ایل کا رواں سیزن اپنے آخری لیگ میچ تک کرکٹ کے مداحوں میں دلچسپی کا سبب رہا کیونکہ آخری لیگ میچ تک پلے آف میں جانے والی چار ٹیموں کا فیصلہ نہیں ہو سکا تھا۔
آخری لیگ میچ میں کنگز الیون پنجاب کو چنئ سپر کنگز کے ہاتھوں شکست ہوئی۔
اس شکست کے بعد ٹوئٹر پر پریتی زنٹا کی ایک ویڈیو وائرل ہوگئی، جس میں ان کی خوشی چھپائے نہیں چھپ رہی۔
ایک صارف نے ویڈیو شیئر کی اور ساتھ میں لکھا کہ ’میم کیا آپ نے واقعی یہی کہا: ‘آئی ایم جسٹ ویری ہیپی دیٹ ممبئی از ناٹ گوئنگ ٹو دا فائنلز ۔۔۔ ریئلی ہیپی۔’ (میں اس بات سے بہت خوش ہوں کہ ممبئی فائنلز میں نہیں جا رہی ہے ۔۔۔ واقعی بہت خوش ہوں۔)
Did #PreityZinta just say “I am just very happy that Mumbai is not going to the finals..Really happy” 🤔 #CSKvKXIP #MIvsDD #IPL #IPL2018 pic.twitter.com/KWaxSUZYZh
— Jo (@jogtweets) May 20, 2018
اس ٹویٹ کے جواب میں پریتی زنٹا نے لکھا: ’ریلیکس! اگر ممبئی باہر ہو جاتی ہے تب ہی پنجاب کے لیے پلے آف میں جانے کا کوئی موقع تھا اور راجستھان رائلز زیادہ خوش ہیں کیونکہ ہم لوگوں کو سی ایس کے نے ہرا کر باہر کر دیا اور وہ پلے آف کے لیے کوالیفائی کر گئے۔ جب چیزیں آخری موقعے کے لیے رہ جاتی ہیں تو آپ صرف اپنی جیت نہیں بلکہ دوسری ٹیموں کی شکست پر بھی نظر رکھتے ہیں۔‘
صارفین جہاں اس ویڈیو کو شیئر کر رہے ہیں وہیں وہ سابق انڈین کرکٹر وریندر سہواگ کے ایک پرانے ٹویٹ پر ان کو ٹرول بھی کر رہے ہیں۔
خیال رہے کہ جب ویسٹ انڈیز کے کرکٹر کرس گیل نے رواں سال آئی پی ایل کی پہلی سنچری لگائی تھی تو انھوں نے ٹویٹ کیا تھا کہ انھوں نے ‘گيل کو لے کر آئی پی ایل کو بچا لیا۔’
اب صارفین ان کو تنبیہ کر رہے ہیں کہ اب وہ ‘پریتی زنٹا سے خود کو بچا لیں۔’
ممبئی انڈینز آئی پی ایل کی سب سے کامیاب ٹیم رہی ہے اور اس نے تین بار یہ چیمپیئن شپ جیتی ہے جبکہ کنگز الیون پنجاب کو ایک بار بھی کامیابی نہیں ملی ہے۔
Disappointed in the loss tonight but Congrats #csk #srh #rr & #kkr for making it to the playoffs 👍Its always tough when you leave it till the last game. Next year we will come back stronger @lionsdenkxip #CSKvsKXIP
— Preity G Zinta (@realpreityzinta) May 20, 2018
سوشل میڈیا کے اس شوشے سے قطع نظر پریٹی زنٹا کرکٹ کی بڑی فین نظر آتی ہیں اور انھیں تقریباً ہر میچ میں اپنی ٹیم کے ساتھ بڑے جوش کے ساتھ میدان میں دیکھا جاتا ہے۔ انھوں نے میچ کی شکست کے بعد ٹویٹ کیا: ‘آج رات کی شکست پر مایوسی ہوں لیکن سی ایس کے، ایس آر ایچ، آر آر اور کے کے آر کو پلے آف میں جانے کے لیے مبارکباد۔ آخری میچ تک اگر فیصلہ نہ ہو تو بہت مشکل ہو جاتا ہے لیکن ہم آئندہ سال زیادہ مضبوطی کے ساتھ آئيں گے۔۔۔’
آخری میچ چینئی سپر کنگز اور کنگز الیون پنجاب کے درمیان تھا۔ پنجاب کو پلے آف میں جانے کے لیے چینی کو بڑے فاصلے سے ہرانا تھا۔
Relax ! Only if Mumbai was “Knocked Out” Punjab would have had a chance of getting to the play offs but RR was happier we were Knocked out by CSK cuz they got to go to the playoffs ! When you leave it till the end one has to not just see your wins but other teams losses as well. https://t.co/WKSdNRJ08B
— Preity G Zinta (@realpreityzinta) May 21, 2018
لیکن ایسا ہو نہ سکا اور پنجاب کی شکست کے بعد راجستھان رائلز پلے آف میں پہنچی۔ لیکن اس سے قبل کل شام آئی پی ایل میں سب سے کم میچز جیتنے والی ٹیم دہلی کا دفاعی چیمپیئن ممبئی سے مقابلہ تھا اور ممبئی اس میچ کو جیت کر پلے آف میں پہنچ سکتی تھی لیکن دلی ڈیئر ڈیولز کے ارادے کچھ اور ہی تھی اور انھوں نے ممبئی کو آگے جانے سے روک دیا۔
پلے آف میں پہنچنے والی ٹیموں میں سن رائزرس حیدرآباد 18 پوائنٹس کے ساتھ پہلے نمبر پر ہے جبکہ چینئی 18 پوائنٹس کے ساتھ دوسر، کولکتہ 16 پوائنٹس کے ساتھ تیسرے جبکہ راجستھان رائلز 14 پوائنٹس کے ساتھ چوتھے نمبر پر ہے۔
بہر حال کنگز الیون پنجاب کے کھلاڑی رواں آئی پی ایل میں بیٹنگ اور بولنگ میں سرفہرست کھلاڑیوں میں شامل رہے۔ اوپنر کے ایل راہل سب سے زیادہ رنز بنانے والوں میں 659 رنز کے ساتھ ریشب پنت اور کین ولیمسن کے بعد تیسرے نمبر پر رہے جبکہ کنگز الیون کے بولر اینڈریو ٹائی 14 میچوں میں 24 وکٹوں کے ساتھ سر فہرست رہے۔
- صدام حسین کے ’سکڈ میزائلوں‘ سے ایرانی ڈرونز تک: اسرائیل پر عراق اور ایران کے براہ راست حملے ایک دوسرے سے کتنے مختلف ہیں؟ - 17/04/2024
- پنجاب میں 16 روپے کی روٹی: نئے نرخ کس بنیاد پر مقرر ہوئے اور اس فیصلے پر عملدرآمد کروانا کتنا مشکل ہو گا؟ - 17/04/2024
- اسرائیل پر حملے سے ایران کو فائدہ ہوا یا نتن یاہو کو؟ - 17/04/2024
Facebook Comments - Accept Cookies to Enable FB Comments (See Footer).