نواز شریف ’قوم کا بیٹا‘ یا ’سب سے زیادہ کرپٹ بیٹا‘


نواز شریف کے حامی

نواز شریف کے حامیوں کی اب بھی ایک بڑی تعداد ہے اور وہ یہ سمجھتی ہے کہ سابق وزیرِ اعظم کا موقف درست ہے

پاکستان میں اس وقت جو ہیش ٹیگ سب سے زیادہ ٹرینڈ کر رہا ہے وہ #پاکستانکابیٹا ہے۔

یہ ہیش ٹیگ نواز شریف کے بدھ کو احتساب عدالت میں ایون فیلڈ ریفرنس میں اپنا بیان مکمل کرانے کے بعد ٹوئٹر پر ٹرینڈ ہوا جس میں ان کا کہنا تھا کہ اُن کا جرم صرف وہی ہے جو اُنھوں نے 20 سال پہلے کیا تھا۔ ان کا اشارہ سابق آرمی چیف جنرل پرویز مشرف پر غداری کا مقدمہ درج کرانے کا فیصلہ تھا۔

سابق وزیر اعظم نے کہا کہ اُنھیں سپریم کورٹ کے ججز کی طرف سے سیسلین مافیا اور گارڈ فادر کہنے سے کوئی فرق نہیں پڑتا۔ ’میں پاکستان کا بیٹا ہوں اور اس مٹی کا ایک ایک ذرہ جان سے پیارا ہے اور اس بارے میں کسی سے حب الوطنی کا سرٹیفکیٹ لینا اپنی توہین سمجھتا ہوں۔‘

نواز شریف کے اپنے آپ کو پاکستان کا بیٹا کہنے پر ٹوئٹر پر بیٹا بیٹا ہو گئی اور ‘پاکستان کا بیٹا’ ہیش ٹیگ ٹرینڈ کرنے لگا۔ کچھ نے سابق وزیرِ اعظم کے موقف کو سراہا تو کچھ نے اس کو رد کر دیا۔ سبھی نواز شریف کو پاکستان کا بیٹا ماننے کے لیے تیار نہیں تھے۔

ایک ٹوئٹر صارف یاسر نے لکھا کہ جو آدمی ہر وقت جھوٹ بولتا ہے، جس کا پارلیمان میں بیان اور ہوتا ہے اور نیب عدالت میں اور۔ جو آدمی کہتا ہے کہ پاکستان کی ‘ایسٹیبلشمنٹ’ ممبئی حملوں میں ملوث تھی اگر ہم اب بھی اسے پاکستان کا بیٹا کہتے ہیں تو ہم ایک بیمار قوم ہیں۔ نواز شریف پاکستان کا بیٹا نہیں ہے۔

تاہم ایک اور صارف عدیل احمد خان اس سے اتفاق نہیں کرتے۔ ان کا خیال ہے کہ تاریخ رقم ہو رہی ہے۔ اور نواز شریف یہ تاریخ لکھ رہے ہیں۔

https://twitter.com/khanadeelali/status/999226397678817280

سجاد کو بھی نواز شریف کا بیان بہت پسند آیا۔ انھوں نے اپنے ٹوئٹر اکاؤنٹ پر لکھا نواز شریف نے سب کو بڑی بہادری سے بے نقاب کیا۔

انھوں نے لکھا کہ ہم سب پاکستان اور اس کی بہادر فوج سے پیار کرتے ہیں لیکن ہم آمروں سے نفرت کرتے ہیں اور ان کو سزائیں ملنی چاہیئں۔

https://twitter.com/iamsajjad8/status/999231091327324160

سچا پاکی نامی صارف نے لکھا کہ پاکستان کا بیٹا کی بجائے پاکستان کا سب سے زیادہ کرپٹ بیٹا زیادہ بہتر ہوتا۔

https://twitter.com/SachaPaki/status/999230879221338112

ایک اور صارف بلال غوری لکھتے ہیں کہ بابا رحمتا تو ہے نہیں نوازشریف کی باتوں کا جواب کون دے گا ؟ آئی ایس پی آر یا پھر عمران خان جیسا کوئی خود ساختہ ترجمان؟

دیا ملک لکھتی ہیں کہ میاں نوازشریف نے کسی سیاسی جماعت کے خلاف پریس کانفرنس میں بات نہیں کی ہے لیکن جو بھی جوابی پریس کانفرنس کرنے آئیں گے.. جان جائیے گا وہ کس کے پالتو ہیں۔

https://twitter.com/ItsDiaMalik/status/999233397368254464

خرم محمد سمجھتے ہیں کہ نواز شریف ایک بہادر شیر ہیں۔ وہ لکھتے ہیں کہ آج پتہ چلا کہ عمران ایمپائر کی انگلی کا انتظار کیوں کر رہا تھا۔ مگر نواز شریف نے سر جھکانے سے انکار کیا تھا۔ شیر شیر شیر شیر۔

اسی طرح عبداللہ کا خیال ہے کہ شیر چنگاڑ رہا ہے اور سب ڈر کے دبکے بیٹھے ہیں۔

https://twitter.com/abdullah01747/status/999224266179694593


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32296 posts and counting.See all posts by british-broadcasting-corp