کیا آدمی کی آواز سے اس کی طاقت کا اندازہ لگایا جاسکتا ہے؟


’آدمی کی آواز سے اندازہ لگایا جاسکتا ہے کہ اس کے اندر کتنی طاقت ہے‘ سائنسدانوں نے انتہائی حیران کن طریقہ بتادیا

رپورٹ کے مطابق سائنسدانوں نے اس تحقیق میں رضاکاروں کو کچھ لوگوں کے چیخنے چلانے کی آوازیں سنائیں اور ان سے پوچھا کہ یہ شخص کتنا طاقتور ہو گا اور کس قد کاٹھ کا حامل ہو گا۔ جواب میں رضاکاروں نے حیران کن طور پر 88فیصد درست اندازہ لگایا۔ تحقیق میں شامل مردوں نے زیادہ درست اندازہ لگایا تاہم خواتین نے مردوں کی آواز سن کر انہیں ان کی اصل طاقت سے قدرے زیادہ بتایا جبکہ خواتین کے متعلق ان کا اندازہ بھی زیادہ درست تھا۔ تحقیقاتی ٹیم کے سربراہ جورڈن رینی کا کہنا تھا کہ ”یہ بات پہلے بھی کئی تحقیقات میں معلوم ہو چکی ہے کہ انسان دوسرے شخص کی آواز سے اس کے قد اور طاقت کا اندازہ لگا سکتا ہے تاہم اب تک یہ معلوم نہیں ہو سکا تھا کہ اس کی درستگی کی شرح کیا ہو گی۔ یہی جاننے کے لیے ہم نے یہ تحقیق کی جس کے حیران کن نتائج سامنے آئے۔“


Facebook Comments - Accept Cookies to Enable FB Comments (See Footer).