جب تینوں لڑکیوں کو پتہ لگ جائے کہ واحد بوائے فرینڈ فراڈیا ہے، تو کیا ہوتا ہے؟
چین میں ایک نوجوان نے بیک وقت تین لڑکیوں کے ساتھ چکر چلا رکھا تھا جنہیں ایک روز حقیقت کا علم ہو گیا اور وہ ایک ساتھ اسے ملنے پہنچ گئیں۔ اس کے بعد جو ہوا، دیکھ کر تمام مرد ایسی حرکت سے توبہ کر لیں گے۔ میل آن لائن کے مطابق چین کے شہر ناننگ میں مسٹر فو نامی اس شخص نے تین لڑکیوں کو گرل فرینڈز بنا رکھا تھا اور ان تمام سے مختلف حیلوں بہانوں سے رقم بھی اینٹھتا رہتا تھا۔ پھر ایک روز وہ اس کی حقیقت سے آگاہ ہو گئی اور اپنے کچھ مرد دوستوں کے ساتھ مسٹر فو کا سامنا کیا۔
رپورٹ کے مطابق ان تینوں لڑکیوں نے اپنے دوستوں کے ساتھ مل کر پہلے تو سڑک پر مسٹر فو کو لٹایا اور اس کی خوب چھترول کی اور پھر اسے پولیس کے حوالے کرکے اس کے خلاف مقدمہ درج کرا دیا۔لڑکیوں نے پولیس کو بتایا کہ مسٹر فو ان تینوں سے 60ہزار یوآن (تقریباً 11لاکھ روپے) ہتھیا چکا تھا۔یہ رقم اس نے اپنی ماں کی سرجری کرانے کے بہانے لی تھی۔ لڑکیوں نے اس واقعے کی ویڈیو بھی بنا کر انٹرنیٹ پر شیئر کی ہے جس میں دیکھا جا سکتا ہے کہ تینوں کو ایک ساتھ دیکھ کر مسٹرفو فرار ہونے کی کوشش کرتا ہے لیکن ان لڑکیوں کے ساتھ آئے لڑکوں میں سے ایک اسے پکڑ لیتا ہے۔
Facebook Comments HS