الیکشن کمیشن نے قومی اسمبلی کی 14 نشستوں پر دوبارہ گنتی کا اعلان کیا ہے
پاکستان میں سیاسی جماعتوں کی جانب سے حالیہ انتخابات میں مبینہ دھاندلی کے خلاف احتجاج کے بعد الیکشن کمیشن نے قومی اور صوبائی اسمبلیوں کی 25 نشستوں پر دوبارہ گنتی کرانے کا اعلان کیا ہے۔ الیکشن کمیشن نے اعلان کیا ہے کہ قومی اسمبلی کی 14 اور صوبائی اسمبلی کی 11 نشستوں پر دوبارہ گنتی کرائی جائے گی۔
قومی اسمبلی کی 14 نشستیں جن پر الیکشن کمیشن نے دوبارہ گنتی کا اعلان کیا ہے ان میں سے 13 پنجاب میں ہیں جبکہ صرف ایک خیبر پختونخوا میں ہے جو این اے 10 شانگلہ ہے۔ دوبارہ گنتی والی نشستوں میں سے پانچ پر مسلم لیگ نواز کی فتح ہوئی ہے۔ انہی نشستوں میں سے این اے 129 لاہور 7 بھی ہے جس سے سپیکر قومی اسمبلی ایاز صادق جیتے ہیں۔ اس کے علاوہ 15 سیٹوں میں سے نو سیٹوں پر پاکستان تحریک انصاف کی کامیابی ہوئی ہے۔ دوبارہ گنتی کیے جانے والے حلقوں میں سابق وزیر اعظم شاہد خاقان عباسی کا حلقہ این اے 57 راولپنڈی 1 بھی ہے۔
علاقہ | حلقہ | فاتح | جماعت | ووٹ | رنر اپ | جماعت | ووٹ |
شانگلہ | این اے 10 | عباد اللہ خان | مسلم لیگ نواز | 34070 | سعید الرحمان | عوامی نیشنل پارٹی | 32665 |
ایبٹ آباد 1 | این اے 15 | مرتضیٰ جاوید عباسی | مسلم لیگ نواز | 95340 | علی اصغر خان | پی ٹی آئی | 81845 |
راولپنڈی 1 | این اے 57 | صداقت علی خان | پی ٹی آئی | 136249 | شاہد خاقان عباسی | مسلم لیگ نواز | 124703 |
ننکانہ صاحب 2 | این اے 118 | اعجاز احمد شاہ | پی ٹی آئی | 63818 | شیذرا منصب علی خان کھرل | مسلم لیگ نواز | 61413 |
لاہور 7 | این اے 129 | سردار ایاز صادق | مسلم لیگ نواز | 103021 | عبدالعلیم خان | پی ٹی آئی | 94879 |
قصور 4 | این اے 140 | سردار طالب حسن نکئی | پی ٹی آئی | 124621 | رانا محمد حیات خان | مسلم لیگ نواز | 124385 |
ملتان 5 | این اے 158 | محمد ابراہیم خان | پی ٹی آئی | 83304 | سید یوسف رضا گیلانی | پی پی پی پی | 74443 |
ملتان 6 | این اے 159 | رانا محمد قاسم نون | پی ٹی آئی | 102606 | محمد ذوالقرنین بخاری | مسلم لیگ نواز | 99374 |
بہاولپور 1 | این اے 170 | محمد فاروق اعظم ملک | پی ٹی آئی | 84495 | محمد بلیغ الرحمان | مسلم لیگ نواز | 74694 |
ٹوبہ ٹیک سنگھ 2 | این اے 112 | محمد جنید انور چوہدری | مسلم لیگ نواز | 125303 | محمد اشفاق | پی ٹی آئی | 121031 |
لیہ 2 | این اے 188 | نیاز احمد | پی ٹی آئی | 109420 | سید ثقلین بخاری | مسلم لیگ نواز | 102943 |
فیصل آباد 10 | این اے 110 | راجہ ریاض احمد | پی ٹی آئی | 114215 | محمد افضل خان | مسلم لیگ نواز | 108172 |
ننکانہ صاحب 1 | این اے 117 | چوہدری برجیس طاہر | مسلم لیگ نواز | 71891 | طارق محمود باجوہ | آزاد امیدوار | 68995 |
شیخوپورہ | این اے 119 | راحت امان اللہ بھٹی | پی ٹی آئی | 110231 | رانا افضال حسین | پی ٹی آئی | 94072 |
واضح رہے کہ ملک کی دو بڑی جماعتوں پاکستان مسلم لیگ ن اور پاکستان پیپلز پارٹی نے مضبوط اپوزیشن بنانے پر اتفاق کیا ہے اور حالیہ انتخابات کے نتائج پر تحفظات کا اظہار کرتے ہوئے اسے پارلیمنٹ سیمت ہر فورم پر اُٹھانے کا فیصلہ کیا ہے۔
پاکستان پیپلز پارٹی کے رہنما خورشید شاہ کا کہنا ہے کہ ‘لاڈلے (عمران خان) کو جتوانے کے لیے مختلف حلقے صرف پنکچر ہی نہیں کیے بلکہ پورے ٹائر ہی پھاڑے گئے ہیں۔’ اُنھوں نے کہا کہ صرف اُنھی حلقوں کو کھلوا لیں جہاں سے عمران خان جیتے ہیں تو دودھ کا دودھ اور پانی کا پانی ہو جائے گا۔
واضح رہے کہ اس وقت پاکستان تحریک انصاف کی 116 سیٹیں ہیں جن میں سے عمران خان پانچ سیٹوں پر کامیاب ہوئے ہیں جن میں سے چار نشستیں اُنھیں چھوڑنا پڑیں گی۔
اس کے علاوہ اس جماعت کے دیگر دو رہنما سرور خان اور میجر ریٹائرڈ طاہر صادق بھی دو دو نشستوں پر کامیاب ہوئے ہیں۔ اس کے علاوہ پاکستان تحریک انصاف کی اتحادی جماعت پاکستان مسلم لیگ ق کے رہنما چوہدری پرویز الہٰی بھی قومی اسمبلی کے دو حلقوں سے کامیاب قرار پائے ہیں۔ اس طرح پاکستان تحریک انصاف کی قومی اسمبلی میں 109 نشستیں ہیں۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).