نادیہ کو مردوں کے گندے میسج کیوں آتے ہیں؟

نادیہ نے اپنے انسٹاگرام پیچ پر اجنبی مردوں کی جانب سے موصول ہونے والے اس نوعیت کے میسجز کے بارے میں پہلی بار کھل کر بات کی ہے۔ انہوں نے کئی ایسے میسج اپنے فالورز کے ساتھ شئیر بھی کئے ہیں تا کہ سب جان سکیں کہ بدقماش مرد اُن کے ساتھ کیسی بدتہذیبی کا مظاہرہ کر رہے ہیں۔

مثال کے طور پرایک نامعلوم شخص نے نادیہ کو بھیجے گئے میسج میں لکھا کہ’’ میں آپ کو پسند کرتا ہوں۔ کیا آپ جسمانی تعلق کیلئے میرے ساتھ ملاقات کرنا پسند کریں گے؟ ‘‘ ایک اور شخص کو نجانے کیوں لگا کہ اُن کا فحش فلموں سے کوئی قریبی تعلق ہے، اور اُس نے اپنے میسج میں پوچھ بھی لیا کہ ’’ کیا تم فحش فلمیں دیکھتی ہو؟ یا پھر شاید تم فحش فلموں میں کام کرتی ہو۔ دیکھنے میں تو تم فحش فلموں کی اداکارہ لگتی ہو۔‘‘

ایک اور شخص نادیہ کو بار بار میسج کر رہا تھا، اور جب انہوں نے جواب نہیں دیا تو بالآخر وہ کہنے لگا کہ ’’ تم مجھے نظر انداز کیوں کر رہی ہو؟ مجھے نظر انداز مت کرو۔ تمہیں ڈائرکٹ میسجز کا جواب دینے چاہیے۔ ہیلو ، فحش کتیا! ‘‘

نادیہ کا کہنا ہے کہ وہ جنسی صحت کے متعلق مشاورت فراہم کرتی ہیں لیکن اس کا یہ مطلب نہیں ہے کہ اجنبی مرد انہیں جسم فروش خاتون یا فحش فلموں کی اداکارہ قرار دیں۔ وہ کہتی ہیں کہ اوباش مردوں کی جانب سے بھیجے جانے والے میسجز کا احوال عام بیان کرنے سے ان کا مقصد یہی ہے کہ سوشل میڈیا پر خواتین کے ساتھ کی جانے والی بد سلوکی کو سامنے لا سکیں۔