16 انچ کمر رکھنے والی خاتون کا راز

سارہ کی پتلی کمر کا راز یہ ہے کہ وہ گزشتہ چھ سال سے بہت تنگ کورسٹ(کمر کے گرد پہنا جانے والا تنگ پٹہ) پہن رہی ہیں، جس کے باعث اُن کی کمر صرف 16 انچ کی رہ گئی ہے۔ وہ اب بھی روزانہ تقریباً 20گھنٹوں کیلئے اپنی کمر کے گرد یہ تنگ پٹہ پہنتی ہیں۔ سارہ کا کہناہے کہ انہوں نے 2012ء میں پہلی بار کورسٹ پہننا شروع کیا، جس کے بعد وہ اس کی مداح ہوگئیں اور اب تک اس کا استعمال جاری رکھے ہوئے ہیں۔

سارہ نے ایک نارمل کمر سے ناقابل یقین حد تک پتلی کمر کی جانب اپنے سفر کے متعلق بات کرتے ہوئے بتایا کہ ’’ دراصل میرا مسئلہ کندھوں اور گردن میں جھکاؤ کا تھا۔ میں اپنی کمر سیدھی نہیں رکھتی تھی جس کی وجہ سے کندھوں اور گردن میں بھی جھکاؤ آ رہا تھا۔ اس عادت کے باعث رفتہ رفتہ میری جسمانی ساخت بگڑنے لگی تھی اور تب کسی نے مجھے کورسٹ پہننے کا مشورہ دیا تاکہ میری کمر سیدھی رہے۔ مجھے یہ تو معلوم ہی نہیں تھا کہ کورسٹ کے باعث میری کمر بھی پتلی ہوجائے گی اور میری جسمانی ساخت پہلے کی نسبت بے حد دلکش ہوجائے گی۔ بس کے بعد میں نے اسے جاری رکھنے کا فیصلہ کیا اور آج بھی پہن رہی ہوں۔‘‘