راولپنڈی میں لڑکی پر تشدد کی ویڈیو وائرل، پولیس کا ملزم کے گھر پر چھاپہ
راولپنڈی: لڑکی پر تشدد کی ویڈیو سوشل میڈیا پر وائرل ہونے کے بعد سی پی او راولپنڈی نے واقعے کا نوٹس لے لیا۔
پولیس کے مطابق خاتون پر تشدد کرنے والے شخص کی گرفتاری کے لئے گھر پر چھاپا مارا گیا لیکن ملزم گرفتار نہ ہوسکا۔
پولیس کا کہنا ہے کہ تشدد کے ملزم واصف عباسی کا تعلق کہوٹہ سے ہے اور ملزم کے والد کے مطابق ملزم کاروبار کے سلسلے میں چین گیا ہوا ہے۔
سی پی او راولپنڈی احسن عباس کا کہنا ہے کہ ملزم کے وطن لوٹنے پر فوری کارروائی کریں گے۔
دوسری جانب تشدد کا شکار ہونے والی لڑکی نے ملزم واصف علی کے خلاف اسلام آباد کے تھانہ رمنا میں مقدمہ درج کرادیا۔
ایف آئی آر میں لڑکی نے مؤقف اختیار کیا کہ ملزم نے شادی کا جھانسہ دیا لیکن معلوم ہوا کہ ملزم شادی شدہ اور بچوں کا باپ ہے جس پر ملزم سے پیچھا چھڑانے کی کوشش کی تو اس نے تشدد کیا اور جان سے مارنے کی دھمکیاں دیں۔
بشکریہ جیو نیوز۔
اسی بارے میں
گالی سے شدید نفرت کرنے والا مسلح شخص اور مجسم گالی جوان عورت
Facebook Comments - Accept Cookies to Enable FB Comments (See Footer).