وزیراعظم نے کسی ادارے پر اثرانداز ہونے کی کوشش نہیں کی: دانیال عزیز

آصف زرداری کے الزام پر نواز لیگ کے رہنما دانیال عزیز کا کہنا ہے کہ مقدمات بنانا اور بری کرنا متعلقہ اداروں کا کام ہے۔ وزیراعظم نے کبھی کسی ادارے پر اثر انداز ہونے کی کوشش نہیں کی۔
سابق صدر کی جانب سے نواز لیگ اور نواز شریف پر تنقید پر جواب آ گیا۔ دانیال عزیز کہتے ہیں مخالفین آصف زرداری کے بری ہونے پر نواز لیگ پر الزامات لگاتے ہیں اور زرداری مقدمات قائم ہونے پر الزام عائد کرتے ہیں۔ وزیر اعظم نواز شریف نے کسی ادارے پر اثر انداز ہونے کی کوشش نہیں کی۔ مقدمات قائم کرنا اور بری کرنا متعلقہ اداروں کا کام ہے۔